آرمی چیف جنرل قمر جاوید باجوہ سے چین اور ایران کے سفیر کی ملاقاتیں

راولپنڈی: آرمی چیف جنرل قمر جاوید باجوہ سے چین اور ایران کے سفراء کی الگ الگ ملاقاتیں ہوئی جس میں ایران امریکا کشیدگی اور خطے کی سیکیورٹی صورت حال کے حوالے سے تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے چین کے سفیر یاؤ جنگ نے ملاقات کی جس میں خطے کی صورتحال پر تبادلہ خیال کیا گیا۔

ڈی جی آئی ایس پی آر کے مطابق ایرانی سفیر مہدی ہنر دوست نے بھی آرمی چیف جنرل قمر جاوید باجوہ سے اہم ملاقات کی، جس میں امریکا، ایران سمیت مشرق وسطیٰ کی کشیدہ صورت حال پر تبادلہ خیال کیا گیا۔

H.E Mr Yao Jing Ambassador of China to Pakistan and H.E Mr Seyyed Mohammad Ali Hosseini, Iranian Ambassador to Pakistan separately called on COAS at GHQ. Regional security situation including US-Iran stand off was discussed. pic.twitter.com/ai1sYsrSmw

— DG ISPR (@OfficialDGISPR) January 8, 2020

واضح رہے کہ اس سے قبل امریکی سیکریٹری دفاع مارک ایسپر نےبھی آرمی چیف جنرل قمر جاوید باجوہ سے ٹیلیفونک رابطہ کیا تھا جس میں مشرق وسطیٰ کی سیکیورٹی صورت حال پر تبادلہ خیال کیا گیا تھا۔

اس موقع پر آرمی چیف جنرل قمر جاوید باجوہ کاکہنا تھاکہ ہم موجودہ تناؤ کی صورتحال کاخاتمہ چاہتے ہیں اور خطےمیں امن کے لیے اٹھائے گئے تمام اقدامات کی حمایت کریں گے۔