گوگل نیوز پر ہمیں فالو کریںکراچی : آرمی چیف جنرل قمر جاوید باجوہ نے کہا ہے کہ جدید ٹیکنالوجی کے باوجود جوانوں کی مہارت اور تربیت اہم ہے، جسمانی فٹنس اور اعلیٰ تربیتی معیار پاک فوج کا طرہ امتیاز ہے،جنگجو مہارتوں کے لئے تربیت اور فزیکل فٹنس انتہائی اہم ہے۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے کراچی کا دورہ کیا، اس موقع پر انہوں نے پیسز کی اختتامی تقریب میں بھی شرکت کی، جس میں آرمی چیف نے گیریژن افسران سے خطاب کیا۔
ڈی جی آئی ایس پی آرکےمطابق میں کور کمانڈر کراچی لیفٹیننٹ جنرل ہمایوں عزیز بھی آرمی چیف کے ساتھ تھے، تقریب میں آرمی چیف نے جوانوں اور افسران کو انعامات سے بھی نوازا۔
گوجرانوالہ کور کی ٹیم نے آٹھویں آرمی پیسز چیمپیئن شپ جیتی، انجیئنرنگ سینٹر ٹیم نے ساتویں ینگ سولجر پیسز چیمپئین شپ جیتی۔
پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے دورہ کراچی کے دوران ماحولیاتی چیلنجز اور جوابی اقدامات پر بھی بات چیت کی، آرمی چیف نے تربیتی مشقوں کے میکانکی فارمیشن کا بھی جائزہ لیا اور افسران سے جنگی ماحول، چیلنجز اور ردعمل پر تفصیلی گفتگو کی۔
