گوگل نیوز پر ہمیں فالو کریںنئی دہلی: سابق انگلش کرکٹر مونٹی پنیسرنے دعویٰ کیا ہے کہ انڈین کرکٹر روہت شرما، ایشون اور کارتک جلد ٹی ٹوئنٹی سے ریٹائرمنٹ لے لیں گے۔
سابق انگلش کرکٹر مونٹی پنیسرنے بھارتی میڈیا کو دئیے گئے انٹرویو میں کہا کہ بھارت جس طرح سے سیمی فائنل ہارا اس سے سب کو مایوسی ہوئی ہے، بھارت کی ہار کے بعد ٹیم میں جلد ہی کچھ ریٹائرمنٹس دیکھ رہا ہوں۔
اُن کا کہنا تھا کہ ایمانداری سے دیکھا جائے تو بھارت نے سیمی فائنل میں کوئی لڑائی نہیں لڑی، یہ ایک مکمل یک طرفہ میچ تھا، بٹلر اور ہیلز کے سامنے بھارتی بولنگ لائن بالکل بے بس تھی جب کہ 168 کوئی چھوٹا اسکور نہیں لیکن آپ سیمی فائنل کھیل رہے ہیں آپ کو لڑائی کی ضرورت ہوتی ہے۔
سابق کرکٹر نے کہا کہ اس سب کے بعد روہت شرما، دنیش کارتک اور ایشون وہ نام ہیں جو ٹی ٹوئنٹی کرکٹ کو جلد خیرباد کہہ سکتے ہیں، ٹیم مینجمنٹ ان کھلاڑیوں سے ضرور بات کرے گی اور ان کے مستقبل کے بارے میں جانے گی۔
انہوں نے کہا کہ ویرات کی سپر فٹنس نے بتایا کہ عمر صرف ایک نمبر ہے اس لیے آپ ویرات کو 2024 کے ٹی ٹوئنٹی ورلڈکپ میں دیکھ سکتے ہیں مگر میں روہت شرما، کارتک اور ایشون کو اس ٹورنامنٹ میں نہیں دیکھ رہا، میرے نزدیک ان کھلاڑیوں کو اب ٹیسٹ اور ون ڈے پر توجہ دینی چاہیے۔
مزید پڑھیں:شاہین شاہ آفریدی انگلینڈ کیخلاف ٹیسٹ سیریز سے باہر ہوگئے
یہی وقت ہے یہ کھلاڑی نئے آنے والوں کے لیے راہیں ہموار کریں۔مونٹی پنیسر نے کہا کہ ویرات کوہلی شاندار فارم میں ہیں اور وہ تمام بھارتی کھلاڑیوں میں سب سے زیادہ فٹ ہیں۔
