ملک بھر میں ریسٹورنٹ مالکان فوڈ پانڈا کی من مانیوں سے پریشان، بائیکاٹ کا امکان

مقبول خبریں

کالمز

zia-1-1
غزہ: بھارت کے ہاتھوں فلسطینیوں کا قتل عام؟
zia-1
پانچ صہیونی انتہاپسندوں میں پھنسا ٹرمپ (دوسرا حصہ)
zia-1
پانچ صہیونی انتہاپسندوں میں پھنسا ٹرمپ (پہلا حصہ)

موسم

قیمتیں

ٹرانسپورٹ

APRA decide to intensify protest against foodpanda malpractices

کراچی: چیئرمین آل پاکستان ریسٹورنٹ ایسوسی ایشن نعیم صدیقی نے کہا ہے کہ کراچی کے بعد لاہور، اسلام آباد کے ریسٹورنٹ مالکان بھی فوڈ پانڈا کی من مانیوں سے پریشان ہیں۔

اگلے مرحلے میں ملک گیر سطح پر فونڈا پانڈا کا بائیکاٹ کریں گے، اسلام آباد ، راولپنڈی،لاہورسمیت دیگر شہروں کے ریسٹونٹ مالکان بھی احتجاج میں شامل ہوگئے۔

آل پاکستان ریسٹورنٹ ایسوسی ایشن نے اگلے ہفتے سے ڈیلیوری کمپنی فوڈ پانڈا کی اجارہ داری اور من مانیوں کے خلاف اپنے احتجاج کو مزید تیز کرنے کا فیصلہ کیا ہے اور کراچی کے بعد ملک بھر میں احتجاج کا دائرہ کار بڑھانے کا اعلان کیا ہے۔

اپرا کے چیئرمین محمد نعیم صدیقی نے ایک بیان میں کہا کہ پنجاب باالخصوص لاہور، اسلام آباد، راولپنڈی ، ملتان ودیگر بڑے شہروں کے ریسٹورنٹ مالکان بھی فوڈ پانڈا کی من مانیوں سے تنگ آگئے ہیں اور پنجاب سمیت ملک بھر کے ریسٹورنٹ مالکان نے اپرا کے احتجاج کی حمایت کی ہے۔

چیئرمین اپرا کے مطابق اسلام آباد ریسٹورنٹ ایسوسی ایشن (آئی آر اے)، لاہور ریسٹورنٹ ایسوسی ایشن (ایل آر اے)اور لاہور ریسٹورنٹ یونٹی ایسوسی ایشن نے اپرا کے احتجاج کا حصہ بنتے ہوئے مکمل حمایت کا یقین دلایاہے جس کے بعد اگلے مرحلے میں فوڈ پانڈاکا ملک گیر سطح پر بائیکاٹ کیا جائے گا اور اس وقت تک بائیکاٹ جاری رہے گا جب تک اپرا کی شرائط کو نہیں مانا جاتا۔

مزید پڑھیں:فوڈ پانڈا کے رائیڈرز تنخواہ میں کٹوتیوں کے خلاف سراپا احتجاج

اپرا نے لاہور، ملتان ، فیصل آباد، اسلام آباد، راولپنڈی سمیت ملک کے دیگر شہروں میں ریسٹورنٹ مالکان سے رابطوں کو تیز کردیا ہے اورمشترکہ جدوجہد کے لیے آئندہ کی حکمت عملی طے کی جارہی ہے تاکہ فوڈ پانڈا کی اجارہ داری کا خاتمہ ممکن بنایا جاسکے اور تمام ڈیلیوری کمپنیوں کو خدمات فراہمی کے یکساں مواقع میسر آسکیں جس سے لوگوں کومسابقت کے باعث مناسب داموں اپنے من پسند ریسٹورنٹس سے کھانوں کی ڈیلیوری ممکن ہوسکے ۔

Related Posts