گوگل نیوز پر ہمیں فالو کریںجہلم: گورنمنٹ پوسٹ گریجویٹ ڈگری کالج میں اے این ایف کے زیر اہتمام منشیات کے خلاف آگاہی سیمینار کا انعقاد کیا گیا۔
جہلم میں اے این ایف کے زیر اہتمام منشیات کے خلاف آگاہی سیمینار ‘منشیات سے انکار زندگی سے پیار’ کا انعقاد کیا گیا، پوسٹ گریجویٹ کالج میں ہونے والے سیمینار میں ڈائریکٹر جنرل اے این ایف، میجر جنرل محمد انیق الرحمان ملک ہلال امتیاز ملٹری نے منشیات کے نقصانات سے آگاہ کیا۔
دی جی اے این ایف نے کہا کہ معاشرے کو منشیات کے ناسور سے محفوظ رکھنا مشترکہ قومی ذمہ داری ہے، منشیات سےمکمل طور پر پاک معاشرہ نوجوان نسل کے روشن مستقبل کی ضمانت ہے، تعلیم منشیات کے خلاف سب سے موثر ہتھیار ہے۔
روپے کی قدر میں مزید کمی، ڈالر کی قیمت 224 روپے سے تجاوز کرگئی
لیکچر کے شرکاء میں چار ہزار سے زائد طلباء و طالبات شامل تھے، جن میں سے ساڑھے تین سوطلباء وطالبات پوسٹ گریجویٹ ڈگری کالج جہلم کے آڈیٹوریم، جبکہ علاقے کے دیگر تعلیمی اداروں کے طلباء و طالبات نے ویڈیو لنک کے ذریعے شرکت کی۔
اس موقع پر یونیورسٹی کےاساتذہ ، سٹاف اور معززین علاقہ کی بڑی تعداد نے بھی شرکت کی۔
