گوگل نیوز پر ہمیں فالو کریںدوحہ: قطر میں جاری فیفا ورلڈکپ اپنے آخری مراحل میں ہے، ٹرافی کی دوڑ میں اب صرف 4 ٹیمیں رہ گئی ہیں۔
قطر میں کھیلے گئے فیفاورلڈکپ میں رونالڈو جیسے بڑے کھلاڑی اپنی ٹیم کو سیمی فائنل تک نہیں پہنچاسکے جس سے اُن کے مداح کافی ناراض ہیں۔
کوارٹر فائنل میں مراکش کے ہاتھوں شکست کے بعد پرتگال ورلڈکپ کی دوڑ سے باہرہوگئی، میچ کے دوران رونالڈو بھی کوئی خاطر خواہ کارگردگی کا مظاہرہ نہیں کرسکے، اس میچ کے دوران فٹابلر کے ساتھ ایک واقعہ بھی پیش آیا۔
اس میچ سے قبل کرسٹیانو رونالڈو پر ایک ناراض مداح نے پانی پھینکنے دیا، جس کی ویڈیو سوشل میڈیا پر وائرل ہوگئی ہے، رپورٹس کے مطابق رونالڈو ڈگ آؤٹ سے نکل کر باہر آئے تو تماشائیوں میں بیٹھے ایک شخص نے ان پر بوتل سے پانی پھینک دیا، لیکن فٹبالر نے کوئی ردعمل نہیں دیا لیکن رونالڈو کے مداح اس شخص پر چڑھ دوڑے جس کے بعد سکیورٹی گارڈز نے مذکورہ شخص کو گراؤنڈ سے باہر نکال دیا۔
Angry fan escorted out for throwing water on Ronaldo. Not difficult to show some respect. Good result. pic.twitter.com/HHVLv051Y4
— Adriano Del Monte (@adriandelmonte) December 10, 2022
مراکش کے گول کیپر بونو کی دھوم، مخالف ٹیم کو ایک گول بھی نہیں کرنے دیا
واضح رہے پرتگال اور مراکش فیفا ورلڈ کپ کے تیسرے کوارٹر فائنل میں ایک دوسرے کے آمنے سامنے آئے تھے، جس میں مراکش نے پرتگال کو ایک صفر سے شکست دے دی تھی۔
مزید برآں سیمی فائنل کا پہلا میچ بدھ کو ارجنٹینا اور کروشیا کے درمیان کھیلا جائے گا جبکہ دوسرا میچ مراکش اور فرانس کے درمیان جمعرات کو کھیلا جائے گا۔
