سعودی عرب نے بھارتی اداکار امیتابھ بچن کو لائیو ٹائم اچیومنٹ ایوارڈ سے نواز دیا۔
ریاض میں منعقدہ جوائے ایوارڈز کی تقریب میں بالی وڈ لیجنڈ امیتابھ بچن کو اس اعزاز سے نوازا گیا۔
80 سالہ امیتابھ بچن کو ان کے 60 سالہ کامیاب فلمی کیریئر اور بالی وڈ فلم انڈسٹری کے عالمی سفیر ہونے پر یہ ایوارڈ دیا گیا۔
ایوارڈ وصول کرتے ہوئے حاضرین سے خطاب میں امیتابھ بچن نے کہا کہ انہیں سعودی عرب آکر کافی خوشی محسوس ہورہی ہے اور وہ آئندہ بھی یہاں آتے رہیں گے۔
النجم العالمي الهندي اميتاب باتشان”अमिताभ बच्चन” يستلم جائزة Global Icon Award المقدمة من #JoyAwards نظيرا لعطاءاته الكبيرة المستمرة🇮🇳🇸🇦❤️ pic.twitter.com/0O3RjNvMq3
— TURKI ALALSHIKH (@Turki_alalshikh) January 22, 2023
اس کے علاوہ ہالی وڈ اداکار میل گبسن کو بھی لائیو ٹائم اچیومنٹ ایوارڈ دیا گیا۔
سالانہ ایوارڈز تقریب میں میوزک، فلم، ڈرامہ، اسپورٹس اور دیگر کیٹیگریز میں ایوارڈز دیے گئے۔
حال ہی میں النصر فٹبال کلب جوائن کرنے والے فٹبال اسٹار رونالڈو کو بھی ایوارڈز تقریب میں شرکت کرنا تھی لیکن وہ نہ آسکے البتہ ویڈیو بیان کے ذریعے ایوارڈ کیلئے نامزد کھلاڑیوں کو پیغام دیا۔