گوگل نیوز پر ہمیں فالو کریںاسلام آباد: تحریک انصاف کے منحرف سابق رکن قومی اسمبلی ڈاکٹر عامر لیاقت حسین کی جانب سے وزیر اعظم عمران خان پر سنگین نوعیت کے الزامات سامنے آئے تھے، مذکورہ معاملہ سامنے آنے کے بعد پی ٹی آئی رکن سندھ اسمبلی راجہ اظہر نے ڈی جی ڈائریکٹر اور ایڈیشنل ڈائریکٹر ایف آئی اے کو خط لکھ دیا ہے۔
خط کے متن میں کہا گیا ہے کہ ڈاکٹر عامر لیاقت اپنے سوشل اکاؤنٹس سے وزیراعظم اور آرمی چیف کیخلاف نامناسب بیانات دے رہے ہیں۔
خط کے متن کے مطابق عامر لیاقت نے آرمی چیف اور وزیراعظم سے متعلق بے بنیاد الزامات لگائے، سوشل میڈیا پر آزادی اظہار کا ناجائز فائدہ اٹھاکر ملک کی سا لمیت کو خطرے میں ڈالا جارہا ہے۔
راجہ اظہر نے کہا کہ عامر لیاقت اس سے قبل بھی متعدد بار بانی ایم کیو ایم سے وابستگی کا بھی اظہار کرچکے ہیں، عامر لیاقت کے خلاف سائبر ایکٹ سیکشن 18-19 اور 21 کے تحت کارروائی کی جائے۔
مزید پڑھیں: عمران خان تمہارا باپ بھی جنرل باجوہ کو ہٹا نہیں سکتا، عامر لیاقت کا ویڈیو بیان
