گوگل نیوز پر ہمیں فالو کریںسری نگر: مقبوضہ جموں و کشمیر کے مسئلے پر بھارت کی نام نہاد آل پارٹیز کانفرنس آج ہوگی جس میں 14 جماعتوں کے سیاسی رہنماؤں کی شرکت متوقع ہے۔
تفصیلات کے مطابق مودی حکومت نے نیا ڈرامہ شروع کردیا، مقبوضہ کشمیر پر بھارتی نام نہاد آل پارٹیز کانفرنس آج منعقد ہو رہی ہے جس میں آل پارٹیز حریت کانفرنس کے کسی بھی حریت رہنما کو شریک ہونے کی دعوت نہیں دی گئی۔
یہ بھی پڑھیں: مقبوضہ کشمیر میں بیوہ خواتین خوف میں زندگی گزار رہی ہیں،مشعال ملک
بھارت کی نام نہاد آل پارٹیز کانفرنس میں مقبوضہ کشمیر کے سابق کٹھ پتلی وزیرِ اعلیٰ سمیت 14 جماعتوں کے نمائندوں کو شریک ہونے کی دعوت دے دی گئی۔ کشمیریوں کی نمائندہ کل جماعتی حریت کانفرنس کے رہنما کانفرنس میں شریک نہیں ہوں گے۔
خیال رہے کہ اِس سے قبل حریت رہنما یاسین ملک کی اہلیہ مشعال حسین ملک نے کہا کہ آل پارٹیز کانفرنس نریندر مودی کی بھونڈی چال ہے۔
آج سے 4 روز قبل دئیے گئے بیان میں مشعال ملک نے کہا کہ بھارت کشمیریوں کے خلاف گھنانی سازش کر رہا ہے،آل پارٹیز کانفرنس اسی سازش کا حصہ ہے۔
مشعال ملک نے کہا کہ کشمیریوں نوجوانوں کا قتل عام جاری ہے،بھارت حریت رہنماں کو رہا کرے۔مشعال ملک نے کہا کہ کشمیریوں کا فیصلہ،سید علی گیلانی،یاسین ملک،میر واعظ سمیت قید حریت رہنماؤں نے کرنا ہے۔
مزید پڑھیں: آل پارٹیز کانفرنس نریندر مودی کی بھونڈی چال ہے،مشعال ملک
