گوگل نیوز پر ہمیں فالو کریںاسلام آباد:معاونِ خصوصی اطلاعات فردوس عاشق اعوان نے کہا ہے کہ ہم وزیر اعظم عمران خان کی ہدایت کے مطابق یومِ دفاع کو مظلوم کشمیریوں کے ساتھ اظہارِ یکجہتی کے طور پر منا رہے ہیں۔پوری قوم پاک فوج کے شہداء کوخراجِ عقیدت پیش کرے گی۔
سماجی رابطے کی ویب سائٹ ٹوئٹر پر گزشتہ روز اپنے پیغام میں فردوس عاشق اعوان نے کہا کہ تمام وفاقی و صوبائی وزراء، وزرائے اعلیٰ، گورنر صاحبان اور اسمبلیوں کے اراکین شہداء کے گھر جائیں گے اور انہیں خراجِ تحسین پیش کریں گے۔ دھرتی ماں کے دفاع کی خاطر اپنی جانوں کا نذرانہ پیش کرنے والے عظیم سپوتوں کی قربانیوں کو سلام پیش کریں گے۔
یہ بھی پڑھیں: کشمیر پاکستان کی شہرگ اور تکمیل پاکستان کا نامکمل ایجنڈا ہے، کشمیریوں کو تنہا نہیں چھوڑیں گے۔آرمی چیف
وزیراعظم عمران خان کی ہدایت کے مطابق یوم دفاع کو مظلوم کشمیریوں کے ساتھ اظہار یکجہتی کے طور پر منایا جائے گا۔تمام وفاقی و صوبائی وزراء، وزراۓ اعلی، گورنر صاحبان قومی اور صوبائی اسمبلیوں کے اراکین شہدا کے گھر جائیں گے۔
— Firdous Ashiq Awan (@Dr_FirdousPTI) September 5, 2019
وزیراعظم عمران خان کی ہدایت کے مطابق یوم دفاع کو مظلوم کشمیریوں کے ساتھ اظہار یکجہتی کے طور پر منایا جائے گا۔تمام وفاقی و صوبائی وزراء، وزراۓ اعلی، گورنر صاحبان قومی اور صوبائی اسمبلیوں کے اراکین شہدا کے گھر جائیں گے۔
— Firdous Ashiq Awan (@Dr_FirdousPTI) September 5, 2019
انہوں نے کہا کہ “آئیں شہید کے گھر چلیں”کے قومی فریضے کو عمران خان خود آگے لے کر بڑھیں گے۔جمعۃ المبارک کے اجتماعات پر ملک کی سلامتی،شہداء کے درجات کی بلندی اور کشمیریوں کی جدوجہد آزادی کی کامیابی کے لئے خصوصی دعائیں کی جائیں گی۔
“آئیں شہید کے گھر چلیں”کے قومی فریضے کو عمران خان خود آگے لے کر بڑھیں گے۔جمعۃ المبارک کے اجتماعات پر ملک کی سلامتی،شہداء کے درجات کی بلندی اور کشمیریوں کی جدوجہد آزادی کی کامیابی کے لئے خصوصی دعائیں کی جائیں گی۔
— Firdous Ashiq Awan (@Dr_FirdousPTI) September 5, 2019
یاد رہے کہ اس سے قبل معاون خصوصی اطلاعات فردوس عاشق اعوان نے یورپی پارلیمنٹ عالمی امور کمیٹی کی طرف سے بھارت سے کشمیر میں جاری کرفیو فوری طور پر ہٹانے کے مطالبے کا خیر مقدم کرتے ہوئے کہا کہ وہ دن دور نہیں جب کشمیر میں آزادی کا سورج طلوع ہوگا۔
سماجی رابطے کی ویب سائٹ ٹوئٹر پر اپنے پیغام میں فردوس عاشق اعوان نے کہا کہ گھمنڈاور تکبر خاک میں مل چکا، ہر طرف سے بھارت کو منہ کی کھانی پڑ رہی ہے۔
مزید پڑھیں: وہ دن دُور نہیں جب کشمیر میں آزادی کا سورج طلوع ہوگا۔ فردوس عاشق اعوان
