گوگل نیوز پر ہمیں فالو کریںکراچی: وفاقی وزیرِ بحری امور علی حیدر زیدی نے کہا ہے کہ پیپلز پارٹی کی سندھ حکومت کو صوبہ مزید تباہ کرنے کی اجازت نہیں دے سکتے، وزیرِ اعظم سے سندھ پر دو ٹوک فیصلے کی گزارش کروں گا۔
سماجی رابطے کی ویب سائٹ ٹوئٹر پر اپنے پیغام میں علی زیدی نے کہا کہ وزیرِ اعلیٰ سندھ نے وزیرِ اعظم اور ہم سب کے سامنے قوم سے وعدہ کیا تھا کہ ایس بی سی اے اور سالڈ ویسٹ مینجمنٹ بورڈ کے اختیارات ڈویژن کی سطح تک منتقل کیے جائیں گے۔
پیغام میں وزیرِ بحری امور علی زیدی نے کہا کہ آج تک کچھ نہیں ہوا، بتاتا چلوں کہ پی ایس 104 منشیات فروشوں کا گڑھ بن چکا ہے جبکہ ایس ایچ او تھانے کو پیپلز پارٹی یونٹ کے دفتر کی طرح چلاتا ہے۔
وفاقی وزیر علی زیدی نے کہا کہ میں سندھ حکومت کے وعدوں پر مہینوں خاموش رہا۔ سوچا سندھ حکومت ویسا ہی کرے جیسا کہ انہوں نے تمام قوم کے سامنے عزم کیا تھا مگر ایسا نہیں ہوا۔ ہم انہیں سندھ کو مزید تباہ کرنے کی اجازت نہیں دے سکتے۔
وزیرِ بحری امور علی زیدی نے کہا کہ میں کل ہونے والے وفاقی کابینہ اجلاس میں وزیرِ اعظم عمران خان سے گزارش کروں گا کہ سندھ کی صورتحال سے متعلق دو ٹوک فیصلہ کریں۔
ان کے وعدوں پر مہینوں خاموش رہا۔ سوچا شاید سندھ حکومت ویسے ہی ڈلیور کرے جیسا کہ انہوں نے تمام قوم کے سامنے عہد/عزم کیا۔ پر ایسا نہ ہوا
ہم انہیں سندھ کو مزید تباہ کرنے کی اجازت نہیں دے سکتے۔
کل کی کیبنٹ میٹنگ میں PM صاحب سے دو ٹوک فیصلہ کرنے کی گزارش کروں گا۔
— Ali Haider Zaidi (@AliHZaidiPTI) May 17, 2021
اپنے ٹوئٹر پیغام میں 4 تصاویر شیئر کرتے ہوئے وزیرِ بحری امور علی زیدی نے کہا کہ محمود آباد نالہ پھر یہ ظاہر کرتا ہے کہ اس مون سون میں کراچی پھر کچرے سے بھرے گٹر کے بدبودار پانی میں ڈوب جائے گا۔
انہوں نے کہا کہ میں واقعتاً یہ سوچتا ہوں کہ یہ لاپرواہی نہیں بلکہ ہمارے عظیم شہر کراچی کے خلاف پیپلز پارٹی کی منظم سازش ہے، خاص طور پر جب وزیرِ تعلیم سندھ سعید غنی اس علاقے سے ایم پی اے منتخب ہوئے ہوں۔
محمود آباد نالہ (PS-104) پھرظاہر کرتا ہے کہ اس مون سون میں کراچی پھر کچرے سے بھرے گٹر کے بد بودار پانی میں ڈوب جائے گا۔
میں واقعتاً یہ سوچتا ہوں کہ یہ لاپرواہی نہیں بلکہ ہمارے عظیم شہر کے خلاف پیپلز پارٹی کی منظم سازش ہے، خاص طور پر جب سعید غنی اس علاقے سے MPA ہوں۔ pic.twitter.com/wyoS3V8xQu— Ali Haider Zaidi (@AliHZaidiPTI) May 17, 2021
یہ بھی پڑھیں: غداری کے فتوے لگانے والو، عوام نے ڈرنا چھوڑ دیا۔مریم نواز
