گھبرانے کیلئے تیار ہوجائیے۔علی ظفر نے لاہور کی آلودگی پر خاموشی توڑ دی

پاکستانی شوبز انڈسٹری کے معروف اداکار علی ظفر نے لاہور کی آلودگی پر چپ کا روزہ توڑتے ہوئے کہا ہے کہ گھبرانے کیلئے تیار ہوجائیے۔ سانس لینا ہمارا بنیادی حق ہے، ضرورت اس بات کی ہے کہ اسموگ کے خلاف اقدامات اٹھائے جائیں۔

سماجی رابطے کی ویب سائٹ ٹوئٹر پر اپنے پیغام میں ایک ویڈیو شیئر کرتے ہوئے گلوکارواداکار علی ظفر نے کہا کہ گھبرانے کیلئے تیار ہوجائیے۔ میں آپ کو وہ دکھا رہا ہوں جسے ہمارے بچے اور لاہور کا ہر شہری سانس کے ذریعے جسم میں لے جاتا ہے۔

یہ بھی پڑھیں:

فواد خان نے مس مارول سیریز کی کاسٹ میں شامل ہونے کی تصدیق کردی

زیادتی کا شکار خواتین پر تنقید مجرموں کی حوصلہ افزائی ہے۔نادیہ حسین

ٹوئٹر پیغام میں اداکار علی ظفر نے کہا کہ 300 سے زائد معیارِ باد (ائیر کوالٹی انڈیکس) پر دنیا بے چین ہوجاتی ہے اور ہم 900 اے کیو آئی پر چپ ہیں۔ کیا قومی اسموگ پالیسی پر کوئی خبر ہے اور کیا اس پر کوئی عمل کیا جارہا ہے؟ کوئی بتائے؟

Get ready to be shocked. This is what our kids and everyone is breathing in Lahore. Anything above 300 AQI, the world panics. Here we’re all quiet at 900. Any update on smog policy and it’s implementation anyone ? #Lahore #smog pic.twitter.com/MkBcltrVhQ

— Ali Zafar (@AliZafarsays) December 15, 2021

مائیکرو بلاگنگ ویب سائٹ ٹوئٹر پر شیئر کیے گئے ویڈیو پیغام میں علی ظفر نے ایک فلٹر دکھاتے ہوئے کہا کہ میں یہ ویڈیو سب کو یہ دکھانے کیلئے بنا رہا ہوں کہ ہم کس قسم کی ہوا اپنے جسم میں لے جاتے ہیں۔ یہ ایک ائیر فلٹر ہے جو میں نے گھر میں لایا۔

شیئر کیے گئے ویڈیو پیغام میں علی ظفر نے کہا کہ ہر 2 ہفتے بعد اس فلٹر پر دھول کی ایک تہہ جم جاتی ہے اور عام طور پر لاہور میں ہمارا ائیر کوالٹی انڈیکس 500 سے 600 تک رہتا ہے۔ سانس لینا انسان کا بنیادی حق ہے۔ سانس میں یہ چیز ملنا لمحۂ فکریہ ہے۔

ویڈیو پیغام میں علی ظفر نے کہا کہ اگر سانس لینے میں شہریوں کو بھاری بھرکم گرد مل رہی ہے تو یہ سوچنے کا مقام ہے۔ میں چاہتا ہوں کہ معاشرے اور حکومت سمیت ہم سب اپنے شہر کو اس شہر کو اسموگ اور ہر قسم کی آلودگی سے بچائیں۔