گوگل نیوز پر ہمیں فالو کریںلاہور: پاکستانی شوبز انڈسٹری کے معروف اداکار اور آنجہانی ملکۂ ترنم نور جہاں کے سابق شوہر اعجاز درانی کا بقضائے الٰہی انتقال ہوگیا ہے۔
تفصیلات کے مطابق لاہور میں ملکۂ ترنم نور جہاں کے دوسرے شوہر اعجاز درانی کا انتقال 88 برس کی عمر میں طویل علالت کے باعث ہوا۔ملکۂ ترنم کی زندگی میں ہی اعجاز درانی اور نور جہاں الگ ہوگئے تھے۔
اداکار اعجاز درانی نے ہیر رانجھا نامی فلم میں بے مثال اداکاری کی۔ اعجاز درانی کی نمازِ جنازہ آج نمازِ ظہر کے بعد گارڈن ٹاؤن لاہور میں ادا کی جائے گی۔ معروف سیاسی و سماجی شخصیات اور فلم بینوں نے اداکار اعجاز درانی کے انتقال پر افسوس کا اظہار کیا ہے۔
وزیرِ اعلیٰ پنجاب سردار عثمان بزدار کا کہنا ہے کہ اعجاز درانی نے ہیر رانجھا کی معروف فلم میں اپنی اداکاری سے عوام کے دل جیت لیے۔ رانجھا کے کردار کو اعجاز درانی نے حقیقت کا روپ دیا۔ وہ پاکستانی شوبز انڈسٹری کا اثاثہ تھے۔
یہ بھی پڑھیں: لیجنڈری اداکار امیتابھ بچن کی طبیعت ناساز، اسپتال منتقل
