گوگل نیوز پر ہمیں فالو کریںپاکستانی شوبز انڈسٹری کے مشہور و معروف اداکار احسن محسن اکرام نے اداکارہ منال خان کو شادی کی پیشکش کی ہے جس کا انکشاف ویلنٹائن ڈے کے موقعے پر انہوں نے خود کیا۔
سماجی رابطے اور فوٹو شیئرنگ پلیٹ فارم انسٹا گرام پر اپنی ایک پوسٹ میں اداکار محسن احسن اکرام نے اداکارہ منال خان کو یومِ اظہارِ محبت (ویلنٹائن ڈے) کی مبارکباد دی۔
View this post on Instagram
اداکار احسن محسن 2 تصاویر شیئر کرتے ہوئے مداحوں کو منال خان کے ہمراہ منگنی کی انگوٹھی کے ساتھ نظر آئے، جس پر سوشل میڈیا پر چہ مگوئیاں شروع ہوگئی۔ بعض سوشل میڈیا صارفین نے سوال کیا کہ کیا آپ نے منال خان سے منگنی کر لی ہے؟
تاحال احسن محسن اکرام اور منال خان کی طرف سے منگنی یا شادی کے متعلق کوئی واضح بیان سامنے نہیں آیا، تاہم اس سے قبل منال خان بھی احسن محسن خان سے محبت کا اقرار کرچکی ہیں۔
قبل ازیں اداکارہ منال خان نے احسن محسن اکرام کے ہمراہ اپنی ایک تصویر شیئر کرتے ہوئے کہا کہ ہوا میں معلق پیار سادہ اور میٹھا ہوتا ہے، جس پر کنزہ ہاشمی نے انہیں لو برڈز(محبت کرنے والے) قرار دیا۔
View this post on Instagram
یاد رہے کہ منال خان کی اپنے قریبی دوست اور اداکار احسن محسن اکرام کے ساتھ دوستی کے چرچے سوشل میڈیا پر کافی عرصے سے چل رہے ہیں تاہم احسن محسن کے منال سے متعلق حالیہ تبصرے نے سماجی رابطے کی ویب سائٹ انسٹاگرام کے صارفین کو ایک بار پھر تجسس میں مبتلا کر دیا۔
رواں ماہ 3 فروری کے روز انسٹاگرام پر منال خان نے ایک تصویر شیئر کی جس میں وہ جوس کا گلاس تھامے دھوپ میں بیٹھی ہیں۔
مزید پڑھیں: اداکار احسن محسن نے خود کو منال خان کا “وٹامن اے” قرار دے دیا
