گوگل نیوز پر ہمیں فالو کریںپاکستانی اداکار احد رضا میر کے شائقین کیلئے خوشخبری ہے کہ وہ بہت جلد اسٹریمنگ ویب سائٹ نیٹ فلیکس کی اوریجنل ہارر ویب سیریز میں اہم کردار میں دکھائی دیں گے۔
ماضی میں بھی اداکار برطانیہ میں ’ہیملیٹ اے گھوسٹ اسٹوری‘ نامی اسٹیج تھیٹر میں مرکزی کردار ادا کر چکے ہیں جبکہ وہ معروف انگریز مصنف ولیم شیسکپیئر کے شہرہ آفاق تھیٹر ڈرامے ’ہیملیٹ‘ میں بھی ایکشن دکھا چکے ہیں۔
احد رضا میر اب بہت جلد نیٹ فلکس پر اداکاری کے جوہر دکھاتے نظر آئینگے جس کی تصدیق خود اداکار نے اپنے آفیشل انسٹاگرام اکاؤنٹ پر بھی کی۔
View this post on Instagram
اداکار کی ویب سیریز کے حوالے سے ایک شوبز ویب سائٹ نے اپنی رپورٹ میں تصدیق کی ہے کہ احد رضا میر جاپانی ویڈیو گیم پر بنائی جانے والی ایک ویب سیریز میں اہم کردار میں دکھائی دیں گے۔
رپورٹ میں بتایا گیا ہے کہ احد رضا میر ریزیڈنٹ ایول نامی ویب سیریز میں دکھائی دیں گے، جس میں مختلف ممالک کے اداکار ایکشن میں نظر آئیں گے۔
یہ بھی پڑھیں:ماہرہ خان کا نیا فوٹو شوٹ سوشل میڈیا پر وائرل
