گوگل نیوز پر ہمیں فالو کریںپاکستان تحریک انصاف (پی ٹی آئی) اور جمیعت علماء اسلام (جے یو آئی) کے درمیان سیاسی اتفاق رائے طے ہوگیا ہے، سربراہ جے یو آئی مولانا فضل الرحمان نے سیاسی اتحاد کے لیے پی ٹی آئی سے تحریری ضمانت مانگ لی ہے۔
ذرائع کے مطابق بانی پی ٹی آئی عمران خان نے کمیٹی کی منظوری دیدی ہے، جو اپوزیشن لیڈر عمر ایوب، سینیٹر شبلی فراز، چئیرمین بیرسٹر گوہر اور اسد قیصر پر مشتمل ہوگی۔
مولانا فضل الرحمان نے جے یو آئی کی مجلس شوریٰ سے مشاورت کے بعد کمیٹی تشکیل دینے کی یقین دہانی کرائی۔
ذرائع جے یو آئی کا کہنا ہے کہ پی ٹی آئی اور جے یو آئی کے درمیان چار نکات پر اتفاق ہوگیا ہے، ملک کی سیاست سے اسٹیبلشمنٹ کے کردار کے خاتمے پر دونوں جماعتوں پر اتفاق ہوا، آئین کی بالادستی، صوبائی وسائل اور مسائل مل کر حل کرنے پر بھی اتفاق ہوا۔
دونوں جماعتوں کا افغانستان کے ساتھ دیرینہ تعلقات پر اتفاق بھی سیاسی اتفاق رائے کا حصہ ہے۔
