پی ٹی آئی رہنما شہباز گل کی ضمانت منظوری کے بعد روبکار جاری

راولپنڈی: پاکستان تحریک انصاف کے رہنما شہباز گل کی ضمانت منظوری کے بعد رہائی کی روبکار جاری کردی گئی ہے۔

 تفصیلات کے مطابق سابق وزیراعظم عمران خان کے سابق معاون خصوصی شہباز گل کی روبکار وفاقی دارالحکومت اسلام آباد کے جوڈیشل مجسٹریٹ شعیب اختر نے جاری کی۔

ذرائع نے بتایا ہے کہ جیل انتظامیہ کی جانب سے شہباز گل کو رہائی کی بابت آگاہ کردیا گیا ہے۔

یہ بھی پڑھیں:

عمران خان کی تقریر نامناسب ضرور تھی مگر دہشت گردی کی دفعہ نہیں بنتی، اسلام آباد ہائیکورٹ

ذرائع کے مطابق شہباز گل نے جیل انتظامیہ کی جانب سے دی جانے والی اطلاع اور اپنی ضمانت منظور ہونے پر شکرانے کے نوافل ادا کیے ہیں۔

یاد رہے کہ اسلام آباد ہائیکورٹ نے بغاوت کے مقدمے میں گرفتار پاکستان تحریک انصاف کے رہنما شہباز گل کو 5 لاکھ روپے کے مچلکوں کے عوض ضمانت پر رہا کرنے کا حکم دیا ہے۔