گوگل نیوز پر ہمیں فالو کریںاسرائیل پر حماس کے حملوں کے بعد جہاں دنیا بھر میں اس پر ردعمل کا اظہار کیا جارہا ہے، مختلف ممالک امن کے قیام پر زور دے رہے ہیں وہیں بھارت میں سوشل میڈیا پر مسلمانوں کے خلاف نفرت انگیز پیغامات بھیجے جارہے ہیں۔
ہندوتوا کے نظریے سے وابستہ انتہا پسند تنظیموں خاص طور پر برسر اقتدار نسل پرست جماعت کے آئی ٹی سیلز کی جانب سے ہندوستانی مسلمانوں کو نشانہ بنایا جارہا ہے۔
اس مہم کے ذریعے غلط معلومات فراہم کی جارہی ہیں، فیک تصاویر پھیلائی جا رہی ہیں اور فرضی ویڈیوز پوسٹ کی جا رہی ہیں۔
اس صورتحال میں بھارت کے سنجیدہ حلقوں کا کہنا ہے کہ ذمہ دار شہریوں کو اس طرح کی آن لائن مہم کے خطرات کو محسوس کرتے ہوئے اس کو روکنے پر توجہ دینی چاہئے ورنہ اس کے منفی اثرات ملک کی یکجہتی اور فرقہ وارانہ ہم آہنگی پر مرتب ہوسکتے ہیں۔
