گوگل نیوز پر ہمیں فالو کریںافغان شہریوں کی وطن واپسی کا سلسلہ جاری ہے۔ پاکستان میں غیر قانونی طور پر مقیم 5 ہزار مزید افغان وطن واپس لوٹ گئے جس سے وطن لوٹنے والوں کی مجموعی تعداد 82ہزار ہوگئی۔
تفصیلات کے مطابق پاکستان سے مزید 5 ہزار 46 افغان باشندے اپنے ملک لوٹ گئے جن میں 1 ہزار 241 مرد، 1 ہزار2 خواتین اور 2 ہزار 753 بچے شامل ہیں۔310 خاندانوں پر مشتمل افغان باشندوں کو 153 گاڑیوں میں روانہ کیا گیا۔
نگران وزیر اعظم کے پرنسپل سیکریٹری ڈاکٹر توقیر حسین شاہ مستعفی
حکام کا کہنا ہے کہ اب تک 81 ہزار 974 افغان پناہ گزین وطن واپس لوٹ چکے ہیں۔ غیر قانونی تارکینِ وطن مختلف آبادیوں میں مقیم ہیں جن کو وطن واپس بھیجنے کیلئے کارروائی کا آغاز یکم نومبر سے کیا جائے گا۔
دہشت گردوں کے خلاف سکیورٹی فورسز کا آپریشن
نگران حکومت نے پاکستان میں غیر قانونی طور پر مقیم غیر ملکی باشندوں کو متنبہ کیا تھا کہ یکم نومبر سے قبل اپنے اپنے ممالک واپس لوٹ جائیں۔ بصورتِ دیگر غیر ملکی افراد کو قانونی کارروائی کا سامنا کرنا پڑے گا۔
غیر ملکی افراد کی دستاویزات کی جانچ پڑتال بھی جاری ہے۔ حکام کا کہنا ہے کہ پہلے مرحلے میں دستاویزات نہ رکھنے والے غیر ملکیوں کو قانونی کارروائی کا سامنا کرنا ہوگا۔ گرفتار غیر ملکیوں کیلئے ہولڈنگ ایریاز اور عارضی کیمپس قائم کردئیے گئے۔
کیمپس میں رجسٹریشن ڈیسک پر ایف آئی اے کے عملے کو تعینات کیا گیا ہے۔ رجسٹریشن ڈیسک پر نادرا کے سافٹ وئیر کو بارڈر مینجمنٹ سافٹ وئیر سے منسلک کردیا گیا۔ حکام کا کہنا ہے کہ غیر قانونی طور پر مقیم غیر ملکیوں کو پناہ دینے پر بھی قانونی کارروائی ہوسکتی ہے۔
