گوگل نیوز پر ہمیں فالو کریںمعروف اداکار عدنان صدیقی نے بیٹے زید کی 13ویں سالگرہ کے موقعے پر طویل پیغام شیئر کرتے ہوئے کہا کہ مجھے یقین نہیں آرہا کہ وقت کتنی تیزی سے گزر گیا۔
فوٹو شیئرنگ پلیٹ فارم انسٹاگرام پر اپنے پیغام میں عدنان صدیقی نے کہا کہ 13ویں سالگرہ مبارک ہو۔ یقین نہیں آرہا کہ وقت کتنی تیزی سے گزرا۔ ایسا لگتا ہے جیسے کل ہی کی بات ہے جب آپ ایک چھوٹے سے بچے تھے۔
فیروز خان کی پوسٹ، ساتھی فنکاروں کے رابطہ نمبر سامنے آگئے
انسٹاگرام پیغام میں اداکار عدنان صدیقی نے کہا کہ اب آپ بڑے ہو کر ایک توانا نوجوان بن جائیں گے۔ مجھے اس شخص پر بے حد فخر ہوگا جو آپ بن رہے ہیں یعنی ہوشیار، خیال رکھنے والا، تخلیقی ذہن کا مالک اور باصلاحیت۔
View this post on Instagram
اداکار عدنان صدیقی نے کہا کہ جب زںدگی میں نئے سفر کا آغاز ہوتا ہے اور لامتناہی مواقع سے بھرپور دنیا نظر آتی ہے تو آپ کو اپنے آپ سے سچ بولنا چاہئے۔ ہمیشہ اپنی منفرد خصوصیات کا جشن منائیں اور آپ جو بھی ہیں، اسے قبول کریں۔ اظہارِ رائے سے کبھی نہ گھبرائیں۔
عدنان صدیقی نے کہا کہ آپ کو متجسس رہ کر سیکھتے رہنا ہے، سوالات پوچھیں، ذہن کھلا رکھیں، ناکامیوں کو قبول کریں اور ان سے سیکھیں۔ خطرات کے حصول اور نئی چیزوں کو آزمانے سے مت گھبرائیں۔
