طاقت کے نشے میں چور حکمران عمران خان کو نہیں سمجھ سکتے۔اشوک سوائن

معروف بھارتی تجزیہ کار و پروفیسر اشوک سوائن نے کہا ہے کہ طاقت کے نشے میں چور حکمران عمران خان کو نہیں سمجھ سکتے۔

سماجی رابطے کی ویب سائٹ ٹوئٹر پر اپنے پیغام میں عمران خان کے گزشتہ شب کے جلسے کی تصویر شیئر کرتے ہوئے پروفیسر اشوک سوائن نے کہا کہ عمران خان نے لاہور میں اپنی زبردست  سیاسی طاقت کا مظاہرہ کیا۔

یہ بھی پڑھیں:

الیکشن میں تاخیر نہیں ہونے دیں گے۔ عمران خان کا چیلنج

ٹوئٹر پیغام میں پروفیسر اشوک سوائن نے کہا کہ عدالتی کیسز ہوں یا گرفتاریاں، کسی بھی رہنما کی شہرت کو کم نہیں کرتیں بلکہ بڑھا دیتی ہیں۔ طاقت کے نشے میں چور حکمران اس حقیقت کو سمجھنے سے قاصر ہیں۔

Another massive show of strength by Imran Khan in Lahore. Court cases and arrests don’t decrease, rather increase a political leader’s popularity. A power-drunk regime fails to understand that. pic.twitter.com/ksKfnqiFZm

— Ashok (@ashoswai) March 25, 2023

گزشتہ شب اپنے ایک اور ٹوئٹر پیغام میں پروفیسر اشوک سوائن کا کہنا تھا کہ پاکستان میں عمران خان کے ہزاروں لاکھوں ہمدرد آزادی کے نعرے لگا رہے ہیں۔ بھارت میں جب جے این یو کے طلبہ آزادی کا گیت گائیں تو انہیں جیل بھیج دیا جاتا ہے۔

In Pakistan, hundreds of thousands of Imran Khan supporters are calling for ‘Azadi’ – In India, when JNU students were singing ‘Azadi’, they were sent to jail on sedition charges. pic.twitter.com/nfmBs489LN

— Ashok (@ashoswai) March 25, 2023

خیال رہے کہ اس سے قبل مینارِ پاکستان میں جلسے سے خطاب کرتے ہوئے عمران خان نے الیکشن کمیشن کی جانب سے اکتوبر میں انتخابات کے فیصلے کو غیر آئینی قرار دیتے ہوئے کہا کہ انتخابات میں کسی صورت تاخیر نہیں ہونے دیں گے۔