گوگل نیوز پر ہمیں فالو کریںوفاقی دارالحکومت اسلام آباد میں پیش آنے والے حادثے میں چینی شہری کی گاڑی کے نیچے آ کر پاکستانی نوجوان جاں بحق ہوگیا ہے۔
تفصیلات کے مطابق یہ افسوسناک حادثہ تھانہ مارگلہ کی حدود میں پیش آیا جہاں چینی شہری کی گاڑی کا ٹائر برسٹ ہوگیا جو بے قابو ہو کر پاکستانی نوجوان پر چڑھ گئی۔ جواں سال شہری خوفناک حادثے کے باعث جاں بحق ہوگیا۔
حادثے کے باعث چینی شہری زخمی ہوا ہے۔ پولیس کا کہنا ہے کہ یہ حادثہ نیو بلیو ایریا، جناح ایونیو ، ایف 9 پارک، مہران گیٹ کے سامنے سڑک پر پیش آیا جبکہ جاں بحق نوجوان کا نام ولی اللہ ولد بخت منیر ہے۔
اپر دیر کے رہائشی ولی اللہ کا تعلق خیبر پختونخوا سے ہے۔ پولیس کا کہنا ہے کہ جاں بحق نوجوان کی عمر 22 سے 23 سال ہے۔ واقعے کی مزید تفتیش جاری ہے۔
