گوگل نیوز پر ہمیں فالو کریںاسلام آباد: وزیر اعظم عمران خان کی شادی کو آج دو سال مکمل ہو گئے جس پر تحریکِ انصاف کے رکنِ قومی اسمبلی عامر لیاقت حسین نے مبارکباد دیتے ہوئے کہا کہ میرے کپتان کو شادی کی سالگرہ مبارک ہو۔
سماجی رابطے کی ویب سائٹ ٹوئٹر پر اپنے پیغام میں عامر لیاقت حسین نے کہا کہ وزیر اعظم عمران خان اور اہلیہ بشریٰ بی بی نے آج ہی کے روز شادی کی۔
رکنِ قومی اسمبلی عامر لیاقت حسین نے کہا کہ وزیر اعظم عمران خان اور اہلیہ بشریٰ بی بی میں اعتماد و محبت کا جو رشتہ قائم ہے، دعا کرتا ہوں وہ ہر گزرتے برس کے ساتھ پھلتا پھولتا رہے۔
Happy Marriage Anniversary to my Captain @ImranKhanPTI and Bhabhi bushra bibi … may the love you have for one another continue to grow and blossom with each passing year.
bushra bibi pic.twitter.com/QRcmcvqhWa
— Aamir Liaquat Husain (@AamirLiaquat) February 18, 2020
واضح رہے کہ بشریٰ بی بی وزیر اعظم عمران خان کی تیسری اہلیہ ہیں جو روحانی علوم پر مہارت رکھتی ہیں۔ تحریکِ انصاف کے چیئرمین عمران خان نے وزیر اعظم بننے سے 6 ماہ قبل ان سے شادی کی۔
وزیر اعظم عمران خان نے اس سے قبل جمائما خان اور ریحام خان نامی دو خواتین سے شادی کی جو کامیاب نہ ہوئی۔ بشریٰ بی بی وزیر اعظم عمران خان کی تیسری بیوی ہیں، تاہم ان کے درمیان محبت کا رشتہ قائم و دائم ہے۔
