عامر لیاقت تیسری شادی کی ناکامی سے دل شکستہ، پاکستان ہمیشہ کیلئے چھوڑنے کا اعلان

کراچی: متنازعہ ٹی وی میزبان اور رکنِ قومی اسمبلی عامر لیاقت حسین نے تیسری شادی کی ناکامی سے دل شکستہ ہو کر پاکستان ہمیشہ کیلئے چھوڑنے کا اعلان کیا ہے جبکہ یہ فیصلہ نجی ویڈیو کلپس لیک ہونے کے کچھ روز بعد کیا گیا۔

سماجی رابطے کی ویب سائٹ ٹوئٹر پر اپنے پیغام میں عامر لیاقت حسین نے کہا کہ میں پاکستان کی سرزمین پر اپنی ناکامی کے حوالے سے آخری بیان جاری کریں گے اور پھر ہمیشہ کیلئے ملک چھوڑ دیں گے۔ 

 یہ بھی پڑھیں:

برٹنی اسپیئرز اسقاطِ حمل کے باعث ننھے مہمان سے محروم

After a while will release my last statement regarding the filthy fiasco from the land of Pakistan and then leave forever. #aamirliaquat#allahhafizpakistan#regrettobekind pic.twitter.com/HCEz1AucXW

— Aamir Liaquat Husain (@AamirLiaquat) May 14, 2022

اپنے بچوں کے نام پیغام میں رکنِ اسمبلی عامر لیاقت حسین نے کہا کہ میرے بچے بڑے ہو گئے ہیں۔ دعا لمز سے تعلیم حاصل کرکے شاندار مقام حاصل کریگی جبکہ احمد ایک بڑا انجینئر بنے گا۔

اپنے پیغام میں عامر لیاقت حسین نے کہا کہ تمہارا باپ بے قصور تھا لیکن تم پہلے بھی نہیں سمجھے اور اب بھی نہیں سمجھ سکو گے جس کی وجہ سوشل میڈیا کا بد ترین کردار ہے۔انہوں نے سوشل میڈیا پر تنقید بھی کی۔ 

سوشل میڈیا کو تنقید کا نشانہ بناتے ہوئے عامر لیاقت حسین نے کہا کہ اگر آپ اپنا فطری روپ سامنے رکھیں تو بلا جھجک شیطان کہہ کر پکارے جاتے ہیں اور اگر مصنوعی اخلاقیات لے کر آئیں گے منافق کہا جاتا ہے۔

رکنِ اسمبلی عامر لیاقت حسین نے کہا کہ لوگوں کو نہیں معلوم کہ 20 سال بعد میں نے دوسری شادی کیوں کی، ہمارا ذاتی معاملہ نازک ہے۔ آپ کی والدہ سمیت کسی کو بھی اجازت نہیں کہ میرے خاندان کی پرائیویسی پر حملہ آور ہو۔