گوگل نیوز پر ہمیں فالو کریںشمالی شام کے علاقے میں گشت پر مامور ترک فوج کی گاڑی کے نزدیک بارودی مواد کے دھماکے میں ایک اہلکار ہلاک اور 6 زخمی ہوگئے۔
ترک میڈیا کے مطابق شمالی شام کے علاقوں راس العین اور تل ابیض میں کردوں کے زیر تسلط علاقوں میں امن و امان کی بحالی کے لیے ترک فوج پٹرولنگ کر رہی تھی، اسی دوران ترک فوج کی گاڑی کے نزدیک دیسی ساختہ بارودی مواد زوردار دھماکے سے پھٹ گیا جس کے نتیجے میں ایک فوجی جاں بحق اور 6 اہلکار زخمی ہوگئے۔
ریسکیو اداروں نے امدادی کاموں کا آغاز کرتے ہوئے زخمی فوجی اہلکاروں کو ملٹری اسپتال منتقل کیا جہاں دو زخمیوں کی حالت نازک بتائی جارہی ہے۔
دھماکے میں دہشت گرد عناصر کے ملوث ہونے کا خدشہ ظاہر کیا جا رہا ہے تاہم حکام نے تحقیقات مکمل ہونے تک کسی قسم کے تبصرے سے معذرت کی ہے۔ دھماکے کی نوعیت کا تعین نہیں کیا جا سکا ہے۔
مزید پڑھیں: ترک اور شام کی فوجوں میں پہلی مرتبہ شدید جھڑپ، 6 شامی فوجی ہلاک
