گوگل نیوز پر ہمیں فالو کریںسعودی خاتون کوہ پیما نیلے عطار نے پاکستان کی بلند ترین پہاڑی چوٹی کے ٹو سر کرنے کا عزم ظاہر کردیا ہے۔
کوہ پیما نیلے عطار نے ریاض میں پاکستانی سفارت خانے میں سفیر امیر خرم راٹھور سے ملاقات کی۔
ملاقات میں انھوں نے بتایا کہ وہ ماؤنٹ ایورسٹ کو سر کر چکی ہیں۔ اب دنیا کی دوسری بلند ترین پہاڑی چوٹی کے ٹو کو سر کرنے کے لیے پاکستان کا دورہ کررہی ہیں۔
پاکستانی سفیر سمیت دیگر افسران نے سعودی خاتون کوہ پیما کی کامیابی کے لئے نیک خواہشات کا اظہار کرتے ہوئے کہا کہ اس سے پاکستان کی سیاحت مزید فروغ پائے گی۔
نیلے عطار نے بتایا کہ وہ 17 جون کو پاکستان پہنچیں گی اور کے ٹو سر کرنے کے ساتھ ساتھ پاکستان کے دیگر مقامات کا دورہ بھی کریں گی۔
پاکستانی سفیر امیر خرم راٹھور نے کہا کہ پاکستان میں سیاحت کے فروغ کے لئے سعودی خاتون کوہ پیما کا یہ دورہ خاص اہمیت رکھتا ہے۔ پاکستانی سفارت خانہ سعودی عرب سے سیاحت کے ویزے کوآسان بنارہا ہے۔ ایک دن میں ویزہ جاری کررہے ہیں تاکہ زیادہ سے زیادہ لوگ سیاحت کے لیے آئیں اور سیاحت کو فروغ ملے۔
