گوگل نیوز پر ہمیں فالو کریںحافظ آباد: پولیس نے بچوں سے بد فعلی کرنے والے گروہ کو پکڑنے کے لیے خفیہ اطلاع پر کارروائی کرتے ہوئے ایک خالی مکان پر چھاپہ مار کر ایک شخص کو گرفتار کر لیا ہے جبکہ اس کے چار ساتھی فرار ہو گئے۔
پولیس کے مطابق حافظ آباد میں بدفعلی کرنے والے گروہ کا انکشاف کئی روز قبل ہوا جس کے بعد پولیس کی خصوصی ٹیم بنائی گئی جس نے اٹھائیس سالہ شخص کو گرفتار کیا جبکہ باقی ملزمان کی تلاش جاری ہے۔
یہ بھی پڑھیں: سہراب گوٹھ کراچی میں جرائم پیشہ خاتون سے 6 کلو چرس اور دستی بم برآمد
پولیس نے اطلاع ملنے پر حافظ آباد کے نواحی علاقے میں چھاپہ مارا جہاں سے بچوں کے ساتھ بدفعلی کے ثبوت بھی دریافت ہوئے۔ ملزمان نے نو محرم کے روز ایک بچے سے بدفعلی کی جس کی رپورٹ پولیس میں درج کروائی گئی جس پر حافظ آباد پولیس حرکت میں آئی۔
پولیس کا کہنا ہے کہ بچوں کے ساتھ بدفعلی کا گھناؤنا جرم کرنے والوں کو جلد گرفتار کرکے قرارواقعی سزا دلوانے کے لیے عدالت میں پیش کریں گے۔ واقعے کا مقدمہ درج کر لیا گیا ہے جبکہ گرفتار ملزم سے پوچھ گچھ اور تفتیش جاری ہے۔
یاد رہے کہ اس سے قبل شیخو پورہ میں باپ نے پانچ سالہ بیٹی کو اسکول نہ جانے پر اتنا مارا کہ وہ جانبر نہ ہوسکی جس کے بعد ثبوت مٹانے کے لیے اسے دفن کرنے ہی والا تھا کہ پولیس موقعے پر پہنچ گئی، تاہم گرفتاری کے خوف سے سنگدل باپ قبرستان سے ہی فرار ہوگیا ہے۔
یہ اندوہناک واقعہ شیخوپورہ کے علاقے مریدکے میں پیش آیا جہاں بچی کی لاش اس کا قاتل باپ قبرستان میں چھوڑ کر بھاگ نکلا۔ مجرم کو گرفتار کرنے میں ناکامی کے بعد علاقہ پولیس نے علاقہ مکینوں سے پوچھ گچھ کی جس سے بچی کے گھر کا پتہ ملا۔
مزید پڑھیں: پانچ سالہ بیٹی کو اسکول نہ جانے پر قتل کرنے والا سنگدل باپ قبرستان سے فرار
