گوگل نیوز پر ہمیں فالو کریںمردان کے ایجوکیشن بورڈ اسپورٹس کمپلیکس میں جوڈو کراٹوں کے مقابلے کے دوران مقابلے میں حصہ لینے والی طالبہ جاں بحق ہوگئی۔
ریسکیو حکام کے مطابق جوڈو مقابلے کے دوران سر پر چوٹ لگنے سے طالبہ کی حالت غیر ہوئی، جس کے بعد مضروب طالبہ کو تشویشناک حالت میں اسپتال منتقل کیا گیا۔
تاہم اسپتال میں علاج کے دوران طالبہ جانبر نہ ہوسکی۔ بعد ازاں ڈاکٹروں نے طالبہ کے جاں بحق ہونے کی تصدیق کردی۔
اسپتال انتظامیہ کے مطابق جاں بحق طالبہ کا نام فضا ہے اور اس کا تعلق فیصل کالونی پشاور سے ہے۔
دوسری طرف شہرِ قائد میں واقع آئی ٹی سینٹر کے ٹیچر نے لڑکی سمیت 3 افراد پر تیزاب پھینک کر انہیں زخمی کردیا ہے، ابتدائی تحقیقات کے مطابق یہ واقعہ معمولی تلخ کلامی پر پیش آیا۔
تفصیلات کے مطابق یہ افسوسناک واقعہ کراچی کے علاقے نیپا چورنگی کے قریب آئی ٹی سینٹر میں پیش آیا۔ ٹیچر کی تیزاب گردی کے نتیجے میں لڑکی اور اس کے 2 ماموں جھلس کر زخمی ہوگئے۔
ایک میڈیا رپورٹ کے مطابق تیزاب گردی کا شکار لڑکی کی شناخت علیشا کے نام سے ہوئی، تینوں زخمی افراد کو سول ہسپتال کے برنس وارڈ منتقل کیا گیا ہے۔ زخمیوں کو طبی امداد دی جارہی ہے۔
