گوگل نیوز پر ہمیں فالو کریںبہاولپور میں کھیت سے لکڑیاں اٹھانے پر مبینہ طور پر زمیندار نے محنت کش کی بیوی پر پالتو کتے چھوڑ دیے۔
بہاولپور میں یزمان کے علاقہ چک 128 ڈی این بی میں پالتو کتوں کے حملے سے محنت کش کی بیوی شدید زخمی ہوگئی۔
خاتون کو تشویشناک حالت میں بہاول وکٹوریہ اسپتال منتقل کردیا گیا۔
ماہرین نے موسمیاتی تبدیلیوں پر قابو پانے کیلئے ایٹمی توانائی کو ضروری قرار دیدیا
متاثرہ خاتون کے شوہر کا کہنا ہے کہ اس کی بیوی گھر میں جلانے کے لیے علاقے سے لکڑیاں اٹھانے گئی تو زمیندار اور اس کے ساتھیوں نے پرانی رنجش کی بنا پر میری بیوی پر کتے چھوڑ دیے اور شکاری کتوں نے میری بیوی کو بری طرح نوچ ڈالا۔
محنت کش نے اپنی بیوی پر کتوں سے حملہ کرانے والے ملزمان کی فوری گرفتاری اور انصاف کے لیے وزیر اعلیٰ پنجاب سے نوٹس لینے کی اپیل کی ہے۔
دریں اثنا مقامی پولیس نے خاتون پر کتے چھوڑنے کا مقدمہ متاثرہ خاتون کے شوہر کی مدعیت میں مقامی زمیندار کے خلاف درج کرلیا اور ملزمان کی تلاش شروع کردی۔
