گوگل نیوز پر ہمیں فالو کریںاسلام آباد: ایک ہفتے کے دوران آٹے کا 20 کلو کا تھیلا 14 روپے 84 پیسے سستا ہوا اور اوسط قیمت 1552 ریکارڈ کی گئی۔
وفاقی ادارہ شماریات کے مطابق ایک ہفتے کے دوران 18 اشیائے ضروریہ کی قیمتوں میں اضافہ ہوا ہے، 17 میں کمی اور 16 میں استحکام رہا جب کہ ہفتہ واربنیاد پر مہنگائی کی شرح میں 0.57 فیصد کمی آئی ہے۔
ادارہ شماریات نے ہفتہ وار رپورٹ میں بتایا کہ آلو، گائے کا گوشت، دال مونگ، چاول، خشک دودھ سمیت 18 اشیا مہنگی ہوئیں لیکن اس کے ساتھ ہی بیس کلو آٹے کا تھیلا 14 روپے 84 پیسے سستا ہوااور اوسط قیمت 1552 روپے ریکارڈ کی گئی۔
ایک ہفتے کے دوران انڈے پانچ روپے فی درجن سستے ہوکر 240 روپے تک فروخت ہوئے۔ دال مسور چھ روپے کلو سستی ہوئی اور قیمت 292 روپے پر آگئی۔ پیاز کی قیمت دو روپے فی کلو کمی کیساتھ 135 روپے اور لہسن کی تین روپے کمی کیساتھ 334 روپے رہی۔
پاکستان کا رواں ہفتے ایف اے ٹی ایف کی گرے لسٹ سے نکلنے کا امکان
دوسری طرف دال چنا ساڑھے تین روپے کلو مہنگی ہوئی اور اوسط قیمت 247 روپے رہی۔ خشک دودھ کا ڈبہ بائیس روپے مہنگا ہو کر 608روپے کا ہو گیا۔ جلانے کی لکڑی اٹھارہ روپے فی من مہنگی ہوئی اور قیمت 895 روپے ریکارڈ کی گئی۔
