گوگل نیوز پر ہمیں فالو کریںکابل: افغانستان میں روسی سفارتخانے نے اس بات کا دعویٰ کیا ہے کہ افغان صدر اشر ف غنی ملک سے فرار ہوتے ہوئے ڈالرز سے بھری گاڑیاں بھی ساتھ لے گئے۔
افغانستان میں موجود روس کے سفارتخانے کی جانب سے اس بات کا انکشاف کیا گیا ہے کہ طالبان کی کامیابیوں کے بعد افغانستان کے صدر ملک سے بھاگتے ہوئے امریکی ڈالرز سے بھری ہوئی 4 گاڑیاں ساتھ لیکررفو چکر ہوئے۔
اشرف غنی ڈالرز سے بھرا ہیلی کاپٹر بھی ساتھ لے گئے، جگہ نہ ہونے کے باعث کیش کی بڑی مقدار چھوڑنی بھی پڑی۔اُدھر امریکا اور روس کے نمائندے خصوصی برائے افغانستان کے درمیان ٹیلیفونک رابطہ ہوا ہے۔
بین الاقوامی میڈیا کا کہنا ہے کہ ضمیر کابلوف اور زلمے خلیل زاد نے افغانستان کی صورتحال پر بات چیت کی، روس، پاکستان، چین اور امریکا افغانستان کی صورتحال میں بہتری کے لئے کردار ادا کرسکتے ہیں۔
افغان میڈیا کے مطابق کمانڈر اسماعیل خان ایران فرار ہوگئے ہیں اور وہ اس وقت وہ مشہد میں موجود ہیں، افغان میڈیا کا مزیدکہنا ہے کہ کمانڈر اسماعیل خان طالبان سے مشاورت کرکے ایران گئے ہیں۔ ہتھیار ڈالنے کے بعد کمانڈراسماعیل خان ہرات کی رہائشگاہ پر4دن رہے۔
مزید پڑھیں: طالبان کابل میں داخل ہوتے ہی جیت گئے تھے، اشرف غنی نے اعلانیہ ہارمان لی
