لودھراں کے قریب مکان کی چھت گرنے سے 5 بچے جاں بحق

لودھراں : شجاع آباد کے قریب گھر کے کمرے کی چھت گرنے سے 5 بچے جاں بحق ہو گئے، لاشیں اسپتال منتقل کردی گئیں۔

ریسکیو ذرائع کے مطابق ملبے تلے دب کر3 افراد زخمی بھی ہوئے جنہیں طبی امداد کے لیے ہسپتال منتقل کر دیا گیا ہے۔ریسکیو ذرائع کا بتانا ہے کہ ملبے تلے دب کر جاں بحق ہونے والے بچوں کی لاشوں کو نکال لیا گیا ہے۔

واضح رہے کہ چند روز قبل پنجاب کے شہر اوکاڑہ میں شدید آندھی اور تیز ہواؤں کے جھکڑ کے باعث مکان کی چھت گرنے کے نتیجے میں خواتین اور بچوں سمیت 8 افراد جاں بحق ہو گئے تھے۔

مزید پڑھیں:لاک ڈاؤن کا مطلب لوگوں کو بھوکا رکھنا ہے، وزیراعظم عمران خان

ریسکیو حکام کا اس حوالے سے کہنا ہے کہ یہ افسوسناک حادثہ اوکاڑہ کے علاقے بستی طارق آباد میں پیش آیا۔ واقعہ کی اطلاع ملتے ہی امدادی ٹیمیں موقع پر پہنچیں اور ملبے کو ہٹانے کا کام شروع کیا۔

ریسکیوحکام کا کہنا ہے کہ زخمیوں کو ایمبیولینسوں کے ذریعے قریبی اسپتال منتقل کر دیا گیا ہے۔ اس افسوسناک حادثے کی وجہ سے پورے علاقے کی فضا سوگوار ہوگئی ہے۔

دوسری جانب لاہور میں آندھی اور بارش کے باعث 200 سے زائد فیڈر ٹرپ کر گئے۔ لوڈشیڈنگ کے ستائے عوام کو بارش سے بھی ریلیف نہ ملا، شہر کے بیشتر علاقوں کی بجلی بند ہو گئی جس کے باعث شہریوں کی مشکلات میں اضافہ ہوگیا۔