گوگل نیوز پر ہمیں فالو کریںلاہور کے مدرسے میں طالب علم سے زیادتی کی ویڈیو کا معاملہ، متاثرہ طالب علم کا موقف بھی سامنے آگیا۔ صابر شاہ نے الزام لگایا ہے کہ مفتی عزیزالرحمان نے اسے زیادتی کا نشانہ بنایا اور ویڈیو سامنے آنے پر اب اس کے بیٹے جان سے مارنے کی دھمکی دے رہے ہیں۔
بدھ کے روز مفتی عزیزالرحمان نے اپنے ایک ویڈیو بیان میں کہا تھا کہ انہیں نشہ آور چیز پلائی گئی تھی، وہ ہوش و حواس میں نہیں تھا اور جو کچھ اس ویڈیو میں ہوا انہیں اس کی خبر بھی نہیں ہے۔
لاہور کے علاقے صدر میں واقعہ مدرسے کی ویڈیو سامنے آئی ہے۔ ویڈیو میں وفاق المدارس کا صدر اور جے یو آئی ف کا نائب امیر مفتی عزیز الرحمن اپنے شاگرد صابر شاہ کے ساتھ بدفعلی کرتے دکھائی دے رہے ہیں۔
ویڈیو سامنے آنے کے بعد طالب علم صابر شاہ نے الزام عائد کیا ہے کہ مفتی عزیز الرحمن کے بیٹے بلیک میل کر رہے ہیں اور جان سے مارنے کی دھمکی بھی دے رہے ہیں۔ اگر انصاف نہ ملا خود کشی کر لوں گا۔
دوسری جانب مدرسے کے مہتمم اسد اللّٰہ فاروق کی جانب سے جاری ایک نوٹس میں کہا گیا ہے کہ مفتی عزیزالرحمن اور ان کے بیٹے کو مدرسے سے چلے جانے کا کہہ دیا گیاہے۔ ادارہ اب ان کے کسی قول و فعل کا ذمہ دار نہیں ہے۔
سیکرٹری جنرل جے یو آئی ف لاہور کی جانب سے بھی ایک نوٹس جاری کیا گیا جس میں کہا گیا ہے کہ ویڈیو کے بعد جے یو آئی نے بھی مفتی عزیزالرحمان کی رکنیت معطل کر دی ہے۔ تحقیقات مکمل ہونے تک مفتی عزیز کو سبکدوش کر دیا ہے۔
دوسری جانب مفتی عزیزالرحمن نے اپنے ایک ویڈیو میسج میں کہا ہے کہ حلفیہ کہتا ہوں صابر شاہ کو میرے خلاف استعمال کیا گیا۔
لاہور “جے یو آئی ف” کے #عزیزالرحمٰن کی لڑکے (#صابرشاہ) سے #بدفعلی کی ویڈیو منظرعام پر آنے کے بعد “عزیزالرحمٰن” کا تردیدی ویڈیو بیان
مکمل ویڈیو لنک ????https://t.co/UeLCZQe79L#Punjab #mksw85official #JUIF #Lahore #inna #Pakistan #lahore #clarification #statements pic.twitter.com/KPQlbEmytg
— Mian Khurram Shahzad ???????? (@mksw85official) June 16, 2021
ویڈیو وائرل ہونے پر مقامی پولیس بھی مدرسے پہنچ گئی اور تحقیقات شروع کردیں۔ پولیس کے مطابق متاثرہ طالبعم صابر شاہ تاحال غائب ہے۔ طالب علم نے مقدمہ درج نہ کروایا تو پولیس اپنی مدعیت میں کارروائی کرے گی۔
یہ بھی پڑھیں : محکمہ تعلیم کالجز کی غفلت،ایس ایس پی شہلا قریشی گم شدہ لیکچرار کی لسٹ میں شامل
