ماں باپ کوئی مدد نہیں کرتے،اپنے خرچ خود پورے کرتی ہوں، شروتی ہاسن

بھارتی فلم انڈسٹری کی معروف اداکارہ شروتی ہاسن کا کہنا ہے کہ میرے والدین میری کوئی مدد نہیں کرتے بلکہ میں ایک خود مختار عورت ہونے کی وجہ سے اپنے اخراجات خود پورے کرتی ہوں۔

اداکار کمل ہاسن کی بیٹی کا کہنا ہے کہ میں جانتی ہوں کہ حالات ٹھیک نہیں لیکن صحت سے متعلق خدشات کی وجہ سے گھر بیٹھنا ممکن نہیں ہے کیونکہ مجھے اپنے اخراجات خود پورے کرنے ہوتے ہیں ۔شروتی ہاسن کے مطابق وہ بھی سب کی طرح معاشی مجبوریوں کی وجہ سے اپنا کام جاری رکھنے پر مجبور ہیں۔

مزید پڑھیں:سنا تھا بالی ووڈ میں سب دوستانہ رویہ رکھتے ہیں،لیکن ایسا نہیں ہے،شروتی ہاسن

اس سے قبل بالی ووڈ کی معروف اداکارہ کریتی سینن نے حال ہی میں سوشل میڈیا صارفین کے حوالے سے کہا تھا کہ لوگ تنقید بہت کرتے ہیں اور زیادہ تر افراد میں عدم برداشت پائی جاتی ہے۔

اپنے حالیہ انٹرویو میں بھارتی اداکارہ کریتی نے کہا کہ میرا خیال ہے کہ لوگ آپ کو نظروں سے تولنے کی کوشش کرتے ہیں۔ رواں برس میں نے محسوس کیا کہ عدم برداشت کے حامل افراد دوسروں کو ہر سمت سے تنقیدی نظروں سے گھورتے ہیں۔

انٹرویو کے دوران بھارتی اداکارہ نے کہا کہ لوگ آپ کو دائیں، بائیں اور مرکز سے گھورتے ہیں اور آپ کے کسی بھی فعل اور ہر بات کو پکڑ کر آپ پر تنقید کے حیلے بہانے ڈھونڈتے ہیں۔ صبر نام کی کوئی چیز نہیں اور لوگ منفی پہلوؤں کی تلاش میں رہتے ہیں۔