گوگل نیوز پر ہمیں فالو کریںمعروف صحافی اور نیوز اینکر کامران خان نے دعویٰ کیا ہے کہ آرمی چیف جنرل قمر جاوید باجوہ اور افغان صدر اشرف غنی کے مابین خفیہ ملاقاتیں ہوئی ہیں۔
سماجی رابطے کی ویب سائٹ ٹوئٹر پر اپنے پیغام میں گزشتہ شب کامران خان نے کہا کہ ڈاکٹر اشرف غنی پاکستان کے خفیہ دورے کرتے رہے ہیں اور کئی ماہ قبل افغان صدر اشرف غنی چکلالہ ائیر بیس آگئے تاہم اپنے جہاز سے نیچے نہیں اترے۔
پیغام میں کامران خان نے کہا کہ آرمی چیف جنرل قمرجاوید باجوہ اور افغان صدر اشرف غنی کے مابین جہاز میں ہی طویل ملاقات ہوئی جسے افغان صدر کی خواہش پر عوام سے خفیہ رکھا گیا۔ افغانستان کے صدر اور پاکستانی آرمی چیف میں کئی خفیہ ملاقاتیں ہوچکی ہیں۔
Of Dr Ashraf Ghani’s secret visits to Pakistan: On one such spectacular visit several months ago Ghani landed at Chaklala Air base but didn’t disembark from his plane. The COAS Gen Qamar Bajwa met him there for a long meeting. This mode of secrecy was Ghani’s choice! pic.twitter.com/c8NlUJlamx
— Kamran Khan (@AajKamranKhan) April 28, 2021
یاد رہے کہ اِس سے قبل آرمی چیف جنرل قمر جاوید باجوہ نے کہا کہ افغانستان میں امن کا مطلب پاکستان میں امن ہے، پاکستان ہمیشہ افغانستان میں افغانوں کو قابل قبول امن عمل کی حمایت کرتا رہے گا۔
پاک فوج کے شعبہ تعلقات عامہ ( آئی ایس پی آر ) نے گزشتہ روز بتایا کہ آرمی چیف جنرل قمر جاوید باجوہ سے امریکی وزیر دفاع نے ٹیلیفونک رابطہ کیا اور افغان امن عمل میں پاکستان کی کوششوں کو سراہا۔
مزید پڑھیں: افغانستان میں امن کا مطلب پاکستان میں امن ہے، آرمی چیف
