گوگل نیوز پر ہمیں فالو کریںپاکستانی اداکارہ آمنہ الیاس نے کراچی کے اہم معاملے پر روشنی ڈالتے ہوئے اپنی ایک مزاحیہ ویڈیو وائرل کردی جس میں پان کی پیک تھوکنے کے مسئلے کو اجاگر کیا گیا ہے۔
فوٹو شیئرنگ پلیٹ فارم انسٹا گرام پر اپنی حالیہ ویڈیو میں آمنہ الیاس نے مزاحیہ انداز میں کراچی کے ایک شہری سے فرضی گفتگو کی جس کا مقصد بار بار پان کی پیک تھوکنے کی طرف توجہ دلا کر اہم معاشرتی مسئلے پر توجہ مرکوز کرنا تھا۔
مزاحیہ ویڈیو میں آمنہ الیاس کراچی کے شہری سے اتحاد ٹاؤن جانے کا راستہ پوچھتی ہیں تو شہری کہتا ہے کہ رکیے ابھی سمجھاتا ہوں اور پان کی ایک پیک تھوک کر اپنی گفتگو کا سلسلہ جوڑتا ہے جسے آمنہ الیاس خشمگیں نظروں سے دیکھنے لگتی ہیں۔
کراچی کا یہ شہری راستہ کم بتاتا ہے اور پان کی پیکیں زیادہ تھوکتا ہے جس پر آمنہ الیاس کی حالت اتنی خراب ہوجاتی ہے کہ وہ قے کردیتی ہیں۔ مزاحیہ انداز میں بنائی گئی ویڈیو پر سوشل میڈیا صارفین نے مثبت ردِ عمل کا اظہار کیا ہے۔
View this post on Instagram
ویڈیو شیئر کرتے ہوئے اپنے پیغام میں اداکارہ آمنہ الیاس نے کہا کہ یہ لوگ صرف سرخ رنگ میں ہی رنگ کرناجانتے ہیں اور یہ ایک ایسا مسئلہ ہے جسے کراچی والے ہی بہتر جانتے ہیں۔ آمنہ الیاس کی ویڈیو انسٹا گرام اکاؤنٹ پر 67 ہزار سے زائد مرتبہ دیکھی جاچکی ہے۔
یہ بھی پڑھیں: میشا شفیع دماغی صحت پر توجہ مرکوز رکھتے ہوئے مداحوں کو یوگا سکھانے کیلئے تیار
