گوگل نیوز پر ہمیں فالو کریںلاہور: قومی کرکٹ ٹیم کے باؤلر حسن علی بیٹی کی پیدائش پر بے حد خوش ہیں جس پر ساتھی کھلاڑیوں اور شائقینِ کرکٹ نے تہنیتی پیغامات ارسال کرنا شروع کردئیے ہیں۔
سماجی رابطے کی ویب سائٹ ٹوئٹر پر اپنے پیغام میں کرکٹر حسن علی نے اللہ کا شکر ادا کرتے ہوئے کہا کہ خدائے بزرگ و برتر نے مجھے ایک بیٹی سے نوازا ہے جسے میں اپنے خاندان میں خوش آمدید کہتا ہوں۔
کرکٹر حسن علی نے کہا کہ میں دعا کرتا ہوں کہ اسے خوبصورت خواب دیکھنے کی توفیق ملے اور اللہ ہمیشہ میری بیٹی کے ساتھ رہے تاکہ زندگی کے مختلف مقامات پر اس کے خوابوں کو تعبیر بھی ملتی رہے۔انہوں نے عوام سے دُعاؤں کی درخواست بھی کی۔
Allahumduillah! Allah has blessed us with the baby girl. Welcome to our family my princess. I wish this little angel ???? have wonderful dreams and May the almighty always be with her to fulfill her dreams on the walk of her life.Ameen please remember in your dua
— Hassan Ali ???????? (@RealHa55an) April 6, 2021
یاد رہے کہ اِس سے قبل پاکستانی کرکٹ ٹیم کے فاسٹ باؤلر حسن علی کی اہلیہ سامعہ خان نے ننھے مہمان کی آمد کی خوشخبری سنادی۔
قومی کرکٹ ٹیم کے فاسٹ باؤلر حسن علی کی اہلیہ سامعہ خان نے سماجی رابطے کی ویب سائٹ انسٹاگرام پر ننھے مہمان کی آمد کی خبر دیتے ہوئے گزشتہ برس نومبر کے دوران کہا کہ چاہے میرا دن کتنا ہی برا کیوں نہ گزرے لیکن صرف ایک چھوٹی سی خوشی سب کچھ ٹھیک کردیتی ہے۔
مزید پڑھیں: کرکٹر حسن علی کی اہلیہ نے ننھے مہمان کی آمد کی خوشخبری سنادی
