گوگل نیوز پر ہمیں فالو کریںاسلام آباد: پاکستان ٹیلی کمیونی کیشن اتھارٹی (پی ٹی اے) کی جانب سے پشاور ہائیکورٹ کو آگاہ کیا گیا ہے کہ مختصر دورانیے کی ویڈیو شیئرنگ ایپ ٹک ٹاک سے حالیہ دنوں میں 5 لاکھ ’قابل اعتراض‘ ویڈیوز کو ہٹا دیا گیا۔
تفصیلات کے مطابق ٹک ٹاک پر نامناسب مواد اور اس کی بندش سے متعلق کیس کی سماعت چیف جسٹس قیصر راشد خان کی سربراہی میں ہوئی
عدالت کے سامنے بیان دیتے ہوئے پی ٹی اے کے وکیل جہانزیب محسود کا کہنا تھا کہ پی ٹی اے حکام سماجی رابطوں کی ویب سائٹ ٹک ٹاک کی انتظامیہ سے رابطے میں ہیں۔
وکیل جہانزیب کا عدالت کو بتایا گیا کہ ٹک ٹاک سے حالیہ دنوں میں اب تک 5 لاکھ سے زائد ’قابل اعتراض‘ ویڈیوز کو ہٹایا جاچکا ہے جبکہ شیئرنگ ایپ انتظامیہ نے پاکستان میں مواد سے متعلق فوکل پرسن کو بھی مقرر کردیا ہے۔
یہ بھی پڑھیں : زرعی یونیورسٹی فیصل آباد کے ماہرین نے جراثیم کش جینز تیار کرلی
