گوگل نیوز پر ہمیں فالو کریںکراچی: جمعہ کے روز سیشن کورٹ نے پاک فضائیہ فالکن کمپلیکس میں پارکنگ کے تنازع پر فیشن ڈیزائنر اور ان کے دو بیٹوں کو زخمی کرنے والے شخص کی ضمانت قبل ازگرفتاری منظور کرلی۔ عدالت نے نے ملزم کے والد کی ضمانت بھی منظور کی۔
پولیس نے بتایا کہ 16 مارچ کو ملزم ابراہیم درانی نے کارپاکنگ کے مسئلے پر چاقو کے وار کرکے فیشن ڈیزائنر معظم خان اور ان کے دو بیٹوں فہد اور عطا کو زخمی کردیا تھا ۔ پولیس کا کہنا تھا کہ ملزم کے والد خالد درانی پر اس حملے میں ملوث ہونے سے متعلق علیحدہ الزامات عائد کیے گئے تھے۔
جمعہ کے روز ، دونوں ملزمان سندھ ہائی کورٹ (ایس ایچ سی) سے حفاظتی ضمانت حاصل کرنے کے بعد ڈسٹرکٹ اینڈ سیشن جج (ایسٹ) کے سامنے بھی پیش ہوئے۔
انہوں نے عدالت سے استدعا کی کہ وہ ان کی ضمانت قبل از گرفتاری ضمانت منظور کرے تاکہ وہ تحقیقات کے لیے خود پیش ہو سکیں۔
یہ بھی پڑھیں : کراچی میں کارپارکنگ کے معاملے پر جھگڑا، خنجر کے پے درپے وار، 3افراد زخمی
