میرا جسم میری مرضی کے بعد عورت مارچ میں ہم جنس پرستی کا مطالبہ، ویڈیو وائرل

کراچی: پاکستان میں گزشتہ 3 سالوں کی طرح اس سال بھی عورت مارچ نت نئے تنازعات کو جنم دے گیا،عورت مارچ میں ہم جنس پرستی کے مطالبے پرمبنی ایک ویڈیو وائرل ہونے کے بعد سنجیدہ حلقوں میں تشویش کی لہر دوڑ گئی۔

سوشل میڈیا پر ایک ویڈیو تیزی سے وائرل ہوئی جس میں ایک خاتون ہم جنس پرستی کی ترغیب دیتے ہوئے دلائل دے رہی ہیں کہ مجھے نہیں لگتا کہ ہم جنس پرستی میں کوئی برائی ہے۔

ویڈیو میں دکھائی دینے والی خاتون کا کہنا ہے کہ مجھے عورتوں کے ساتھ زور زبردستی اور پر تشدد برا لگتا ہے لیکن دو مردوں کا آپس میں پیار کرنا برا نہیں لگتا۔

Promoting homosexuality is a new norm. Aurat march tha ya be heyayi march. pic.twitter.com/1NF0zlBwKU

— zoni (@ZunairaRasheed4) March 8, 2021

اس ویڈیو کے حوالے سے بعض سوشل میڈیا صارفین کا کہنا ہے کہ یہ ویڈیو گزشتہ سال کی ہے جبکہ بعض سوشل میڈیا صارفین نے عورت مارچ میں ہم جنس پرستی کے نعرے پر شدید تنقید کرتے ہوئے عورت مارچ کو ایک مذموم سازش قرار دیا ہے۔

سنجیدہ حلقوں کا کہنا ہے کہ خواتین کے بنیادی مسائل عصمت دری ، ذہنی و جسمانی زیادتی وتشدد،کم عمری کی شادی ،بچوں کے ساتھ بدسلوکی ، ہراساں کرنا ، استحصال کرنا، تیزاب سے جلانا، مساوی حقوق، امتیازی سلوک،مساوی تنخواہ ، کام کے حالات،غیرت کے نام پر قتل اور شادی و طلاق کے حقوق نہ ملنا ہے لیکن عورت مارچ کے منتظمین نے خواتین بے بنیاد اور نازیبا نعروں کی وجہ سے اصل مسائل کو پس پشت ڈال دیا ہے۔

مزید پڑھیں:عورت مارچ نے حقیقی مسائل کو پس پشت تو نہیں ڈال دیا؟