گوگل نیوز پر ہمیں فالو کریںاسلام آباد: سینیٹ انتخابات میں پاکستان پیپلز پارٹی کے امیدوار اور سابق وزیرِ اعظم یوسف رضا گیلانی نے اراکینِ قومی اسمبلی کو الیکشن میں حمایت کیلئے خط لکھ دیا ہے۔
تفصیلات کے مطابق سابق وزیرِ اعظم یوسف رضا گیلانی نے اپنے خط میں اراکینِ قومی اسمبلی سے درخواست کی ہے کہ 3 مارچ کو ہونے والے سینیٹ انتخابات کیلئے ووٹ دیں جبکہ میں سن 1985ء سے پارلیمان کا حصہ ہوں جس کا 40 برس کا سیاسی سفر ہر رکنِ اسمبلی کے سامنے ہے۔
اپنے خط میں سابق وزیرِاعظم یوسف رضا گیلانی نے کہا کہ میں نے سینیٹ انتخابات میں حصہ لینے کا فیصلہ سوچ سمجھ کر کیا۔ ملک کے وزیرِ اعظم کی حیثیت سے میں نے اپوزیشن کی سیاسی جماعتوں اور رہنماؤں کیلئے اپنے دروازے بند نہیں کیے۔ سینیٹ انتخابات کیلئے یکجہتی وقت کی ضرورت ہے۔
خط کے متن میں کہا گیا ہے کہ پارلیمان کے تقدس کیلئے تمام اراکینِ اسمبلی کو اکٹھے ہونا ہے جبکہ سیاسی و نظریاتی اختلافِ رائے جمہوریت کا حسن ہوتا ہے۔ امید ہے کہ اراکینِ اسمبلی 3 مارچ کو امیدواروں کے کردار کو مدِ نظر رکھتے ہوئے ووٹ دینے کا فیصلہ کریں گے، میں نے انتخابات میں حصہ لینے کا فیصلہ اپنی انا کی تسکین یا حکومت کی مخالفت میں نہیں کیا۔
یہ بھی پڑھیں: الیکشن کمیشن سینیٹ الیکشن کی شفافیت یقینی بنانے کیلئے ہر اقدام اٹھائے۔شبلی فراز
