گوگل نیوز پر ہمیں فالو کریںتھرپارکر: قومی اسمبلی کے حلقہ این اے 221 کے ضمنی انتخاب میں حصہ لینے والے پاکستان تحریکِ انصاف کے امیدوار نظام الدین راہموں نے کہا ہے کہ پولنگ اسٹیشن پر سندھ پولیس کی نگرانی میں دھماکا کیا گیا ہے۔
سماجی رابطے کی ویب سائٹ ٹوئٹر پر پی ٹی آئی تھرپارکر نے تحریکِ انصاف کے امیدوار نظام الدین راہموں کا ویڈیو بیان جاری کیا ہے جس کے مطابق این اے 221 میں کیسراڑ نامی پولنگ اسٹیشن پر دھماکا کیا گیا جس میں سندھ پولیس نے معاون کا کردار ادا کیا۔
ٹوئٹر ویڈیو پیغام کے مطابق پی ٹی آئی امیدوار نظام الدین راہموں نے کہا کہ میرے پولنگ ایجنٹس کو گرفتار کر لیا گیا، ووٹروں کو بھگایا جارہا ہے۔ تھرپارکر کے عوام پی ٹی آئی کے ساتھ ہیں۔
پی ٹی آئی امیدوار جاوید راہموں نے کہا کہ ڈی ایس پی کی زیرِ نگرانی سندھ پولیس میرے مخالف امیدوار کی مدد میں ملوث ہے۔ انہوں نے وزیرِ اعظم عمران خان اور الیکشن کمیشن سے واقعے کا نوٹس لینے اور کارروائی کا مطالبہ کیا۔
NA-221؛سندھ پولیس کی نگرانی میں پولنگ اسٹیشن کیسراڑ پر دھماکا کیا گیا ہ نظام الدین راہموں, سندھ پولیس ونگاری کردار ادا کر رہی ہے، میرے ایجنٹ گرفتار کیے گئے ہیں. میرے ووٹرز کو بھگایا جا رہا ہے. تھرپارکر کی عوام حق اور سچ کو جتت دلائے گی.#ECP، وزیر اعظم @ImranKhanPTI نوٹس لیں. pic.twitter.com/dAm9X4NRFq
— PTI THARPARKAR OFFICIAL (@PTharparkar) February 21, 2021
تھرپارکر میں قومی اسمبلی کے حلقہ این اے 221 کے ضمنی انتخاب کے دوران شرپندوں نے پولنگ اسٹیشن کو آگ لگا دی ہے جس کے نتیجے میں پولنگ کا عمل روک دیا گیا ہے۔
تفصیلات کے مطابق شرپسندوں کی طرف سے این اے 221 کے ضمنی انتخاب کے دوران پولنگ اسٹیشن کو آگ لگائے جانے کے باعث پولنگ کا سامان جل کر راکھ ہوگیا۔ یہ افسوسناک واقعہ تھرپارکر کے علاقے کیسراڑسمان میں پیش آیا۔
مزید پڑھیں: تھرپارکر میں شرپسندوں نے پولنگ اسٹیشن کو آگ لگا دی
