گوگل نیوز پر ہمیں فالو کریںسندھ اور بلوچستان کے 3 حلقوں میں ضمنی انتخابات کے لئے ہونے والی پولنگ کے بعد ووٹوں کی گنتی جاری ہے جبکہ مختلف پولنگ اسٹیشنز سے نتائج کے آنے کا سلسلہ بھی جاری ہے۔
ابھی تک کی اطلاعات کے بلوچستان کے حلقہ پی بی 20 پشین تین کے ابتدائی نتائج کے مطابق پی ڈی ایم کے مشترکہ امیدوار عزیزاللہ آغا کو برتری حاصل ہے۔ بی اے پی کے امیدوار عصمت اللہ دوسرے نمبر پر ہیں۔
اب تک کی معلومات کے مطابق تحریک انصاف ہر حلقے سے شکست کھاتی نظر آرہی ہے۔
یاد رہے کہ 2018ء کے عام انتخابات میں بلوچستان اسمبلی کے حلقہ پی بی 20 پشین 3 سے جے یو آئی (ف) کے سید فضل آغا منتخب ہوئے تھے تاہم ان کے انتقال کے باعث یہ نشست خالی ہوئی تھی۔
یاد رہے کہ امیدواروں کی جانب سے کئی پولنگ اسٹیشنز پر ووٹنگ کا عمل سست ہونے کے الزام لگائے گئے تاہم مجموعی طور پر کوئی بڑا ناخوشگوار واقعہ پیش نہیں آیا۔
یہ بھی پڑھیں: پی ایس 43 سانگھڑ، غیر سرکاری نتائج کے مطابق پیپلز پارٹی واضح اکثریت سے کامیاب
