گوگل نیوز پر ہمیں فالو کریںکراچی میں آج گجر نالہ انسدادِ تجاوزات کا دوسرا روز ہے جس کے دوران پولیس کی بھاری نفری شہرِ قائد کے علاقے شفیق موڑ کے قریب پہنچ گئی۔
تفصیلات کے مطابق خواتین اور مرد حضرات پر مشتمل پولیس نفری کا کام انسدادِ تجاوزات مہم کے دوران امن و امان قائم رکھنا ہے۔ رینجرز اور ضلعی انتظامیہ حکام بھی انسدادِ تجاوزات آپریشن کے دوران موجود ہیں۔
ضلعی انتظامیہ کا کہنا ہے کہ آج شفیق موڑ سے لے کر کیفے پیالہ تک انسدادِ تجاوزات آپریشن ہوگا۔ پہلے مرحلے میں سافٹ تجاوزات کاخاتمہ کیا جائے گا۔ انسدادِ تجاوزات کی کارروائی گزشتہ روز شروع ہوئی تھی۔
یاد رہے کہ اس سے قبل کراچی میں گجر نالہ پر قائم تجاوزات کے خلاف آپریشن شروع ہوا جس کے دوران 4 ہزار مکانات گرانے کا فیصلہ کیا گیا۔
تفصیلات کے مطابق گجر نالہ کے دونوں جانب تجاوزات کے خلاف آپریشن کا آغاز ہوگیا۔ سینئر ڈائریکٹر محکمۂ انسدادِ تجاوزات بشیر صدیقی نے میڈیا سے گفتگو کرتے ہوئے کہا کہ ابتدائی طور پر نالے کے دونوں جانب 30 فٹ کا راستہ بنایا جارہا ہے۔
یہ بھی پڑھیں: گجر نالہ تجاوزات کے خلاف آپریشن، 4 ہزار مکانات گرانے کی کارروائی شروع
