جوہر چورنگی کے قریب دھماکہ، 3افراد شدید زخمی ہوگئے

کراچی: جوہر چورنگی کے قریب رکشے میں لگے سی این جی سلنڈر میں دھماکے کے نتیجے میں 3افراد کے زخمی ہونے کی اطلاعات ہیں۔

ذرائع کے مطابق دھماکہ رکشے میں لگے سی این جی سلنڈر میں ہوا ہے، جس سے غباروں میں گیس بھرنے کا کام لیا جارہا تھا، دھماکہ اتنا شدید تھا کہ ارد گرد میں افرا تفری پھیل گئی۔

ریسکیو حکام کے مطابق دھماکے کے نتیجے میں 3افراد شدید زخمی ہوگئے ہیں، جنہیں قریبی اسپتال منتقل کیا گیا ہے، جبکہ پولیس بھی موقع پر پہنچ گئی ہے۔

واضح رہے کہ شہر قائد میں اس قسم کے سلنڈر بلاسٹ آئے روز کا معمول بن گئے ہیں، جبکہ اس حوالے سے کوئی روک ٹوک نہیں ہے، ان سلنڈر دھماکوں کے نتیجے میں متعدد شہری اپنی قیمتی زندگیوں سے ہاتھ دھو چکے ہیں۔

مزید پڑھیں: کراچی پورٹ پر بحری جہاز میں آگ لگ گئی، بھاری نقصان کا اندیشہ