گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ نے قائدِ اعظم کے 144ویں یومِ پیدائش کے موقعے پر اپنے پیغام میں کہا ہے کہ دُنیا کی کوئی طاقت پاکستان کو نہیں مٹا سکتی۔
سماجی رابطے کی ویب سائٹ ٹوئٹر پر ترجمان پاک فوج کے پیغام کے مطابق آرمی چیف نے کہا کہ زمین پر موجود کوئی قوت پاکستان کو ختم نہیں کرسکتی جبکہ قوم آج قائدِ اعظم کی سالگرہ ملی جوش و جذبے سے منا رہی ہے۔
پیغام کے مطابق آرمی چیف جنرل قمر جاوید باجوہ نے کہا کہ قائدِ اعظم کے امید، حوصلے اور اعتماد کے پیغام کے ساتھ ساتھ اتحاد، نظم وضبط اور تنظیم کے اصول بھی ہمارے سامنے ہیں جو ہماری عظیم قوم کی رہنمائی کرتے رہیں گے۔
No power on earth can undo #Pakistan. “Nation celebrates #Quaid’s anniversary with great reverence and commitment upholding his message of hope, courage & confidence. Faith, Unity and Discipline shall always remain guiding principles of our great nation”, COAS
— DG ISPR (@OfficialDGISPR) December 25, 2020
یاد رہے کہ اِس سے قبل وزیرِ اعظم پاکستان عمران خان نے کہا کہ نئے دور کے چیلنجز سے نمٹنے کیلئے قوم کو قائدِ اعظم محمد علی جناح کے نقشِ قدم پر چلنا ہوگا۔
بانئ پاکستان قائدِ اعظم کے 144ویں یومِ پیدائش کے موقعے پر وزیرِ اعظم عمران خان نے قوم کے نام اپنے پیغام میں بابائے قوم کو شاندار الفاظ میں خراجِ تحسین پیش کرتے ہوئے قوم کو ہر شعبۂ زندگی میں قائدِ اعظم کے اصولوں کو اپنانے کی ہدایت کی۔
مزید پڑھیں: نئے چیلنجز کیلئے قوم کو قائدِ اعظم کے نقشِ قدم پر چلنا ہوگا۔وزیرِ اعظم
