گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے سیاسی ابلاغ ڈاکٹر شہباز گل نے تصدیق کی ہے کہ فیصل آباد میں کمسن ملازمہ پر تشدد کے کیس میں مطلوب خاتون کو گرفتار کیا گیا ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی شہباز گِل نے کہا کہ فیصل آباد میں ملازمہ پر تشدد کے کیس میں مطلوب خاتون کو گرفتار کر لیا گیا ہے اور جو لوگ کہہ رہے تھے کہ پولیس سیاسی پریشر میں ہے، ان کیلئے جواب ہے۔
پیغام میں معاونِ خصوصی شہباز گِل نے کہا کہ پاکستان بدل رہا ہے، راتوں رات یورپ کے حالات تو نہیں بن سکتے لیکن تیزی سے تبدیلی آرہی ہے۔ اب آگے عدالتوں کی ذمہ داری ہے کہ قانون پر فیصلے ہوں۔
فیصل آباد ملازمہ پر تشدد کے کیس میں مطلوب خاتون کو گرفتار کر کیا گیا ہے۔جو لوگ کہہ رہے تھے پولیس سیاسی پریشر میں آ گئی ان کے لئیے جواب ہے کہ پاکستان بدل رہا ہے۔راتوں رات یورپ کے حالات تو نہیں بن سکتے لیکن تیزی سے بدلاؤ آ رہا ہے۔اب آگے عدالتوں کی زمہ داری ہے کہ قانون پر فیصلے ہوں pic.twitter.com/oa6shKyWz1
— Dr. Shahbaz GiLL (@SHABAZGIL) December 6, 2020
یاد رہے کہ اِس سے قبل کم عمر بچی کو سرعام سڑک پر مرد اورخواتین کے تھپڑ مارنے کی ویڈیو سوشل میڈیا پر وائرل ہوگئی۔سوشل میڈیا پروائرل ویڈیو میں دیکھا جاسکتا ہے کہ کم عمربچی کو مرد اورخواتین نے تھپڑ مارے اور بالوں سے پکڑ کر کھینچا، دھکے دیے، سڑک پر بھی پھینکا۔
فیصل آباد کے مدینہ ٹاؤن تھانے کے ایس ایچ او کے مطابق کم عمر بچی پر تشدد کا مقدمہ چائلڈ پروٹیکشن بیورو کی مدعیت میں درج کیا گیا۔
مزید پڑھیں: فیصل آباد میں چھوٹی بچی پر سرعام تشدد کی ویڈیو وائرل، مقدمہ درج
