خصوصی افراد کیلئے احساس کفالت پالیسی، 20 لاکھ خاندانوں کو فائدہ ہوگا، وزیر اعظم

اسلام آباد: وزیراعظم عمران خان کا کہنا ہے کہ خصوصی افراد کیلئے احساس کفالت پالیسی سے 20 لاکھ خاندان استفادہ حاصل کریں گے، انہوں نے کہا کہ خصوصی افراد کو ماہانہ 2 ہزار روپے وظیفہ دیا جائے گا۔

وزیراعظم عمران خان نے سوشل میڈیا ویب سائٹ ٹویٹر پر اپنے پیغام میں کہا کہ خصوصی افراد کی بہتری کی سمت یہ حکومت کا بہت اہم قدم ہے۔

Two million families will benefit under the new "Ehsaas Kafaalat Policy for
Special Persons". They will be eligible for a monthly stipend of Rs. 2000.
This is a step toward a disability-inclusive and sustainable post COVID-19 world.

— Imran Khan (@ImranKhanPTI) December 3, 2020

واضح رہے کہ پی ٹی آئی حکومت کی جانب سے اس سے قبل شروع کئے گئے احساس ایمرجنسی کیش پروگرام کے تحت ایک کروڑ 20 لاکھ مستحق خاندانوں کو 12 ہزار روپے دیئے جاتے رہے ہیں، واضح رہے کہ اس مقصد کیلئے144 ارب روپے کے فنڈز مختص کیے گئے تھے۔جس سے خصوصی افراد مستفید ہوں گے۔

وزیر اعظم عمران خان نے اسلام آباد میں جمعہ کے روز احساس کفالت مرکز کا دورہ بھی کیا تھا، جہاں سے مستحقین کو ادائیگی شروع ہوگئی ہے، اس موقع وزیر اعظم کی معاون خصوصی ڈاکٹر ثانیہ نشتر نے وزیر اعظم عمران خان کو ادائیگیوں کے معیار کوبہتر بنانے کے اقدامات کے بارے میں بریف کیا۔

وزیر اعظم عمران کو مزید بتایا گیا کہ اس بار خواتین کی بینکوں تک رسائی اور اے ٹی ایم مشین کے ذریعے رقم کے حصول کو بھی یقینی بنایا گیا ہے، تاکہ وصول کنندگان کے لئے ادائیگی کے نظام کو بہتر اور آسان بنایا جاسکے۔