سندھ بار کونسل کے الیکشن ، ووٹنگ کا سلسلہ جاری، وکلاء پرجوش

کراچی :ایڈووکیٹ جنرل کی جانب سے سندھ بار کونسل کے انتخابات ملتوی کرنے کا فیصلہ واپس لئے جانے کے بعد آج الیکشن میں ووٹنگ کا سلسلہ جاری ہے اوروکلاء کی جانب سے بھرپور جوش و خروش پایا جارہا ہے۔

کورونا کی وجہ سے سندھ بار کونسل کے انتخابات ملتوی کرنے کا فیصلہ کیا گیا تھا تاہم سندھ بار کونسل کے انتخابات کے معاملے میں ایڈووکیٹ جنرل نے اپنا فیصلہ واپس لے لیا جس کے بعد سندھ بار کونسل کے انتخابات آج ہورہے ہیں۔

سندھ ہائیکورٹ بار اور کراچی بار کے وکلاء کی ایڈووکیٹ جنرل سندھ وکلا کے وفد سے ملاقات ہوئی ، وکلا رہنما نے ایڈووکیٹ جنرل سندھ کو بتایا کہ تمام تیاریاں مکمل کر لی اب الیکشن ملتوی نہ کریں۔

مزید پڑھیں:پاکستان اسٹیل کے ساڑھے 4 ہزار ملازمین نوکریوں سے برطرف

الیکشن میں ایس او پیز پر مکمل عملدارمد کریںگے جس پر ایڈووکیٹ جنرل سندھ نے اپنا فیصلہ واپس لیتے ہوئے الیکشن 28نومبر کو کرنے کی یقین دہانی کرائی تھی،کورونا وائرس کے باعث انتخابات ملتوی کئے تھے۔