گوگل نیوز پر ہمیں فالو کریںچیئرمین پیپلز پارٹی بلاول بھٹو زرداری کا کورونا وائرس ٹیسٹ کا نتیجہ مثبت آیا ہے جس کے بعد انہوں نے اپنی سیاسی سرگرمیاں گھر سے جاری رکھنے کا فیصلہ کیا۔
تفصیلات کے مطابق چیئرمین پیپلز پارٹی بلاول بھٹو زرداری احتیاطی تدابیر اختیار کرتے ہوئے پہلے ہی قرنطینہ میں تھے جہاں انہوں نے اپنا کورونا وائرس ٹیسٹ کرایا جس کا نتیجہ مثبت آگیا ہے۔
سماجی رابطے کی ویب سائٹ ٹوئٹر پر اپنے پیغام میں چیئرمین پیپلز پارٹی بلاول بھٹو زرداری نے کہا کہ میرا کورونا ٹیسٹ کا نتیجہ مثبت آیا ہے اور معمولی علامات کے بعد میں نے خود کو قرنطینہ کر لیا ہے۔
پیغام میں چیئرمین پی پی پی بلاول بھٹو زرداری نے کہا کہ میں اپنی رہائش گاہ سے کام جاری رکھوں گا جبکہ میں 30 نومبر کو پیپلز پارٹی کے یومِ تاسیس کے جلسے سے بذریعہ ویڈیو لنک خطاب کروں گا۔ تمام لوگ ماسک کا اہتمام کریں۔ میں آپ کا منتظر ہوں گا۔
میرا کرونا ٹیسٹ مثبت آیا ہے اور معمولی علامات کے بعد میں نے خود کو قرنطینہ کرلیا ہے، میں اپنی رہائش گاہ سے کام جاری رکھوں گا جبکہ یوم تاسیس کے جلسے سے بذریعہ ویڈیو لنک خطاب کروں گا، تمام لوگ ماسک کا اہتمام کریں، میں آپ کا منتظر ہوں گا۔ https://t.co/OjaHWLdTUg
— BilawalBhuttoZardari (@BBhuttoZardari) November 26, 2020
یاد رہے کہ اِس سے قبل پاکستان پیپلزپارٹی کے چیئرمین بلاول بھٹو کے سیاسی مشیر جمیل سومرو کورونا کا شکار ہوگئے، پی پی چیئرمین بلاول بھٹو بھی قرنطینہ چلے گئے۔
پیپلزپارٹی کے شریک یک چیئرمین آصف علی زرداری نے 2 روز قبل بلاول بھٹو کے سیاسی مشیر کا کورونا ٹیسٹ مثبت آنے کے بعد بلاول ہاؤس کراچی کے عملے کو کورونا وائرس ٹیسٹ کروانے کی ہدایت کی تھی۔
مزید پڑھیں: سیاسی مشیر جمیل سومرو کورونا کا شکار،بلاول بھٹو بھی قرنطینہ
